വണ്ണം കുറയ്ക്കുവാന്‍ തക്കാളി ഡയറ്റ്

Published: Monday, March 5, 2012, 9:57 [IST]

തടി കുറയ്ക്കാനും കൂട്ടാനും സഹായിക്കുന്ന ഭക്ഷണസാധനങ്ങളുണ്ട്. മിക്കവാറും കറികളില്‍ നാം ഉപയോഗിക്കുന്ന തക്കാളി ഏതു ഗണത്തില്‍ പെടുന്നുവെന്നറിയാമോ. തടി കൂട്ടുമോ അതോ കുറയ്ക്കുമോ. എന്തായാലും തക്കാളി ഡയറ്റ് എന്നൊരു പ്രത്യേക വിഭാഗം ഡയറ്റ് തന്നെയുണ്ട. ഇത് തടി കുറയ്ക്കാന്‍ സഹായിക്കുമെന്നാണ് പറയപ്പെടുന്നത്.

ടൊമാറ്റോ ഡയറ്റില്‍ ഭക്ഷണത്തില്‍ തക്കാളി ഉള്‍പ്പെടുത്തുകയെന്നതു തന്നെയാണ് പ്രധാനം. ഇത് സാലഡായോ ജ്യൂസായോ കഴിയ്ക്കാം. അല്ലെങ്കില്‍ സാന്റ്‌വിച്ചില്‍ വച്ച് ഉപയോഗിക്കാം. തക്കാളിയ്‌ക്കൊപ്പം പാല്‍ ഉപയോഗിക്കരുത്. ഇത് അസിഡിറ്റിയുണ്ടാക്കും.

പ്രഭാതഭക്ഷണത്തില്‍ തക്കാളി ജ്യൂസോ അരിഞ്ഞ തക്കാളിയോ കഴിയ്ക്കാം. ഉച്ചഭക്ഷണം ചോറോ ചപ്പാത്തിയോ ആകാം. ഒപ്പം തക്കാളി നിര്‍ബന്ധം. തക്കാളിക്കൊപ്പം മറ്റു പച്ചക്കറികളും ഉള്‍പ്പെടുത്താം. തക്കാളി വേവിക്കാതെ കഴിയ്ക്കുന്നതാണ് കൂടുതല്‍ നല്ലത്.

വൈകീട്ടുള്ള സ്‌നാക്‌സിലും ഒരു തക്കാളി ഉള്‍പ്പെടുത്തണം. ഇതിനൊപ്പം മറ്റ് ഫ്രൂട്‌സും കഴിയ്ക്കാം. വറുത്ത ഭക്ഷണസാധനങ്ങള്‍ ഒഴിവാക്കുന്നതായിരിക്കും നല്ലത്.േ

അത്താഴത്തിന് ചപ്പാത്തിയും ടൊമാറ്റോ ജ്യൂസും കഴിയ്ക്കാം. തടി കുറയ്ക്കാന്‍ ടൊമാറ്റോ സൂപ്പ് വളരെ നല്ലതാണ്.

തടി കുറയുവാന്‍ മാത്രമല്ലാ, നാരുകളും വെള്ളവും ധാരാളം അടങ്ങിയിട്ടുള്ളതിനാല്‍ ദഹനേന്ദ്രയത്തിനും നല്ലൊരു ഭക്ഷണസാധനമാണിത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.