മസിലിനായി വ്യായാമവും ഭക്ഷണവും

മസിലിന് മോഹിക്കാത്ത ചെറുപ്പക്കാരുണ്ടാകില്ല. ഇതിന് വേണ്ടി കുറേ ഭക്ഷണം വാരി വലിച്ചു കഴിച്ചതുകൊണ്ടു കാര്യമില്ല, തടി കൂടി കുടവയര്‍ ചാടുമെന്നതല്ലാതെ.

മസിലിന് ഭക്ഷണത്തേക്കാളേറെ പ്രധാനം വ്യായാമമാണെന്നു വേണമെങ്കില്‍ പറയാം. തുടക്കത്തില്‍ ആഴ്ചയില്‍ അഞ്ചു ദിവസമെങ്കിലും വേണം വ്യായാമം. മസിലുകള്‍ രൂപപ്പെട്ടു തുടങ്ങിയാല്‍ ഇത് മൂന്നു ദിവസമായി ചുരുക്കാം.

വെയ്റ്റ് ലിഫ്റ്റിംഗ് മസിലിന് പറ്റിയ വ്യായാമമാണ്. എന്നാല്‍ കൂടുതല്‍ ഭാരമെടുത്തു പൊക്കിയതു കൊണ്ട് കൂടുതല്‍ വേഗം കൂടുതല്‍ മസില്‍ വരുമെന്ന തെറ്റിദ്ധാരണ വേണ്ട. നിങ്ങളെക്കൊണ്ട് ആവും വിധമുള്ള ഭാരമെ ഉയര്‍ത്താവൂ.

മാറിയുള്ള വ്യായാമങ്ങളാണ് മസിലിന് ഗുണം ചെയ്യുക. ഒരേ വ്യായാമം ആവര്‍ത്തിച്ചാല്‍ ഇത് മസിലിന് പരിചിതമാവുകയും വേണ്ട വിധത്തിലുള്ള പ്രയോജനം ലഭിക്കാതെ വരികയും ചെയ്യും.

വ്യായാമത്തിന് ശേഷം പ്രോട്ടീന്‍ പാനീയങ്ങള്‍ കുടിയ്ക്കുന്നത് നല്ലതാണ്. എന്നാല്‍ ഇതോടു കൂടി വീണ്ടും ഭക്ഷണം കഴിയ്‌ക്കേണ്ടതില്ല. ഭക്ഷണത്തിന് പകരമായിരിക്കണം പ്രോട്ടീന്‍ ഷേക്ക് കുടിയ്ക്കുന്നത്.

പ്രോട്ടീന്‍ അടങ്ങിയ ഭക്ഷണം മസിലിന് പ്രധാനമാണെങ്കിലും കാര്‍ബോഹൈഡ്രേറ്റുകളും നല്ല കൊഴുപ്പും പൂര്‍ണമായും ഒഴിവാക്കുകയുമരുത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.