വീട്ടമ്മമാര്‍ക്കും വേണം വ്യായാമം

Diet Fitness

oi-Saritha

By Veena

Published: Saturday, March 10, 2012, 14:29 [IST]

വീട്ടില്‍ വെറുതേയിരിക്കുന്നതു കൊണ്ടാണ് തടി കൂടുന്നത് എന്ന് പല സ്ത്രീകളും പരാതി പറയുന്നതു കേട്ടിട്ടില്ലേ. പല സ്ത്രീകളും വീട്ടിലെ ഉത്തരവാദിത്വങ്ങള്‍ക്കിടയില്‍ തങ്ങളുടെ ആരോഗ്യവും വ്യായാമവും അവഗണിക്കുകയാണ് പതിവ്. ഇത്തരക്കാര്‍ ശ്രദ്ധിക്കേണ്ട ചില കാര്യങ്ങളിലേക്ക്,

വീട്ടുജോലികളില്‍ മുഴുകുമ്പോള്‍ വ്യായാമം ചെയ്യാന്‍ ചിലപ്പോള്‍ സമയം കിട്ടിയെന്നു വരില്ല. ചിലപ്പോള്‍ മറന്നുപോകുകയും ചെയ്യും. എപ്പോഴെങ്കിലും സമയം കിട്ടുമ്പോള്‍ വ്യായാമം ചെയ്യാമെന്ന ചിന്ത മാറ്റി വയ്ക്കുക. അല്‍പം നേരത്തെ ഉണര്‍ന്ന് വ്യായാമത്തിനായി കൃത്യസമയം കണ്ടെത്തുക. രാവിലെ വ്യായാമം ചെയ്യുന്നതാണ് ഏറ്റവും നല്ലത്. വീട്ടുജോലികള്‍ ചെയ്ത് തളര്‍ന്നു കഴിയുമ്പോള്‍ വ്യായാമം ചെയ്യാനും തോന്നിയെന്നു വരില്ല.

വീട്ടിലെ ജോലികള്‍ തന്നെ നല്ല വ്യായാമമാക്കി മാറ്റാം. വീട്ടില്‍ അടിച്ചുവാരലും തുടയ്ക്കലും നല്ല വ്യായാമം തന്നെയാണ്. വീട്ടില്‍ സ്‌റ്റെയര്‍കേസുകള്‍ ഉണ്ടെങ്കില്‍ അത് കയറിയറങ്ങാം. കുനിഞ്ഞും നിവര്‍ന്നും സാധനങ്ങളെടുക്കുകയോ വയ്ക്കുകയോ ചെയ്യാം.

നടക്കുന്നത് വീട്ടമ്മമാര്‍ക്ക് ചെയ്യാവുന്ന നല്ല വ്യായാമമാണ്. നടക്കാനായി രാവിലെയോ വൈകിട്ടോ പത്തുമിനിറ്റ് മാറ്റി വയ്ക്കാം. ജോലികള്‍ക്കിടയിലും നടക്കാവുന്ന അവസരങ്ങളുണ്ടാക്കാം.

ഒരുമിച്ചു ചേര്‍ന്ന് വ്യായാമം ചെയ്യുന്നത് കൂടുതല്‍ നല്ലതായിരിക്കും. വീട്ടമ്മമാരായ കൂട്ടുകാര്‍ക്ക് താല്‍പര്യമുണ്ടെങ്കില്‍ ഒരുമിച്ചു ചേര്‍ന്ന് ഒരു സമയം നിശ്ചയിച്ച് വ്യായാമം ചെയ്യാം. താല്‍പര്യവും സൗകര്യവുമുള്ളവരാണെങ്കില്‍ ഫിസിക്കല്‍ ട്രെയ്‌നറെ വയ്ക്കുകയോ ജിമ്മില്‍ പോകുകയോ ചെയ്യുകയുമാവാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.