നല്ല ഫിഗറിന് ചില കാര്യങ്ങള്‍

Diet Fitness

oi-Saritha

By Veena

Published: Monday, March 12, 2012, 10:30 [IST]

വടിവൊത്ത ശരീരം സ്വന്തമാക്കാന്‍ ആഗ്രഹിക്കാത്ത സ്ത്രീകളുണ്ടാകില്ല. പ്രത്യേകിച്ച് സിനിമയില്‍ ആടിപ്പാടുന്ന സുന്ദരികളെ കാണുമ്പോള്‍. ഇവരെങ്ങനെ ഈ ശരീരം സ്വന്തമാക്കുന്നുവെന്നും അദ്ഭുതപ്പെടുന്നുണ്ടാകും.

കൃത്യമായ ഭക്ഷണവും ചിട്ടയായ ആരോഗ്യവുമായിരിക്കും മിക്കവാറും ഈ അഴകളവിന് കാരണം. ഭക്ഷണനിയന്ത്രണം വളരെ അത്യാവശ്യം. ഇക്കാര്യത്തില്‍ പഴമക്കാര്‍ പറയുന്ന കാര്യം പ്രാവര്‍ത്തികമാക്കുന്നതായിരിക്കും നല്ലത്. പ്രാതല്‍ രാജാവിനെ പോലെ, ഉച്ചഭക്ഷണം രാജകുമാരനെ പോലെ, അത്താഴം യാചകനെ പോലെയും. ഇതില്‍ സത്യമുണ്ട്.

പ്രഭാതഭക്ഷണം ഒരു കാരണവശാലും ഒഴിവാക്കരുത്. വയറു നിറയെ കഴിയ്ക്കുന്നതിനേക്കാളുപരി, പോഷകഗുണമുള്ളവ പ്രാതലില്‍ ഉള്‍പ്പെടുത്താന്‍ ശ്രദ്ധിക്കണം. പഴവര്‍ഗങ്ങള്‍, മുട്ട, പാല്‍ എന്നിവയടങ്ങിയ ബ്രേക്ഫാസ്റ്റ് കഴിയ്ക്കാന്‍ ശ്രദ്ധിക്കുക.

കഴിക്കുന്ന ഭക്ഷണത്തിന്റെ അളവും വളരെ പ്രധാനം. നാലുനേരം, അല്ലെങ്കില്‍ മൂന്നുനേരം മൂക്കുമുട്ടെ കഴിയ്ക്കാതെ, കുറേശെ വീതം ഭക്ഷണം പലപ്പോഴായി കഴിയ്ക്കുന്നതായിരിക്കും നല്ലത്. ആരോഗ്യത്തിനും തടി കൂടാതിരിക്കാനും പാലിക്കേണ്ട ഒരു പ്രധാന ഭക്ഷണശീലം.

അത്താഴം കിടക്കുന്നതിന് ഒന്നര, രണ്ടു മണിക്കൂര്‍ മുന്‍പെങ്കിലും കഴിയ്ക്കുവാന്‍ ശ്രമിക്കണം. ദഹനത്തിനും കൊഴുപ്പ് അടിഞ്ഞു കൂടാതിരിക്കുന്നതിനും പാലിക്കേണ്ട മറ്റൊരു ചിട്ട.

മറ്റൊരു പ്രധാന കാര്യമുണ്ട്. വണ്ണത്തെക്കുറിച്ച് ടെന്‍നടിക്കാതിരിക്കുക. ചിലരിലെങ്കിലും വണ്ണം തടി കൂട്ടുന്നതായി കണ്ടുവരുന്നുണ്ട്. ടെന്‍ഷനടിച്ച് സൈസ് സീറോയ്ക്കു പകരം സീറോ പോലെ ആകരുതല്ലോ.

വ്യായാമവും ശരീരഭംഗിക്ക് അത്യാവശ്യം. ചിട്ടയായ വ്യായാമവും ആഹാരക്രമവുമുണ്ടെങ്കില്‍ സിനിമാ സുന്ദരികളെക്കണ്ട് അദ്ഭുതപ്പെടേണ്ടി വരില്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.