വണ്ണം കുറയാന്‍ ഐസ് ക്യൂബ് ഡയറ്റ്

Diet Fitness

oi-Saritha

By Veena

Published: Thursday, February 2, 2012, 15:00 [IST]

കൈക്കുള്ളില്‍ മുറുകെ പിടിച്ചു നിന്നു നോക്കൂ, കുളിരിലും മരവിപ്പിലും ചെറിയൊരു ചൂടില്ലേ, കൈത്തലത്തിലെ ചൂടില്‍ ഉരുകയൊലിക്കുകയും ചെയ്യും. ഐസു കട്ടകളെപ്പറ്റിയാണ് പറഞ്ഞത്. ഉരുകിത്തീരുന്ന ഈ തണുപ്പിന് തടി കുറയ്ക്കാനും കഴിയും. അതാണ് ഐസ് ക്യൂബ് ഡയറ്റ്.

വെറുതെ ഐസ് ക്യൂബ് ചപ്പിക്കുടിക്കാന്‍ ഇഷ്ടമുള്ളവരുണ്ട്, സ്വാദില്ലെങ്കിലും തണുപ്പു മാത്രം മോഹിച്ച്. ഇങ്ങനെ ചെയ്യുമ്പോള്‍ ശരീരത്തിലെ കൊഴുപ്പു കുറയുകയാണ് ചെയ്യുന്നത്. ഐസ് ഉള്ളിലെത്തുമ്പോള്‍ ശരീരം കൂടുതല്‍ ചൂട് ഉല്‍പാദിപ്പിക്കുന്നത് കാരണം കൊഴുപ്പ് കത്തിപ്പോകുന്നു.

ഐസ് ക്യൂബ് ഡയറ്റ് പ്രകാരം ഭക്ഷണനിയന്ത്രണമില്ല. ഇഷ്ടമുള്ളതെന്തുമാവാം. ഭക്ഷണത്തിന് ശേഷം ഒരു കഷ്ണം ഐസ് കഴിയ്ക്കണമെന്നു മാത്രം.

ഇത് വിശപ്പ് കുറയ്ക്കുന്നു. അതുകൊണ്ട് ഭക്ഷണത്തിന്റെ അളവും കുറയും. സ്വാഭാവികമായും വണ്ണം കുറയും.

ഐസ് കഷ്ണങ്ങള്‍ പൊടിച്ച് വെള്ളത്തിലിട്ട് കുടിയ്ക്കുന്നതാണ് പല്ലിന് നല്ലത്. വെറുതെ ഐസ് കടിക്കുന്നത് പല്ലിന് ദോഷം ചെയ്യും.

ഐസ് ക്യൂബിനൊപ്പം ആവശ്യത്തിന് പോഷകാഹാരം കഴിയ്ക്കാനും മറക്കരുത്. വണ്ണം ആവശ്യത്തിന് കുറഞ്ഞു കഴിയുമ്പോള്‍ ഈ ഡയറ്റ് നിര്‍ത്തുകയും വേണം. കാരണം ഐസ് ക്യൂബ് പല്ലിന് നല്ലതല്ല. കോള്‍ഡ് തുടങ്ങിയ രോഗങ്ങള്‍ക്കും കാരണമാകും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.