പ്രമേഹം നിങ്ങളുടെ കാലുകള്‍ക്കും പ്രശ്‌നം; അസഹനീയമായ വേദന തടയാന്‍ ഈ 5 കാര്യം ശ്രദ്ധിക്കണം

പ്രമേഹം എങ്ങനെ കാല് വേദനയ്ക്ക് കാരണമാകുന്നു

ഡയബറ്റിക് പെരിഫറല്‍ ന്യൂറോപ്പതി കാലുകളെ ബാധിക്കുമ്പോള്‍, അവിടെയുള്ള ഞരമ്പുകള്‍ ശരിയായി പ്രവര്‍ത്തിക്കില്ല. രോഗികള്‍ക്ക് വേദനയ്ക്കൊപ്പം മരവിപ്പും ഇക്കിളിയും കൂടി അനുഭവപ്പെടാം. ഡയബറ്റിക് പെരിഫറല്‍ ന്യൂറോപ്പതി അനുഭവിക്കുന്ന ആളുകള്‍ക്ക് അവരുടെ കാലുകളില്‍ പരിക്കുകളോ അല്ലെങ്കില്‍ കാല് മുറിച്ച് മാറ്റല്‍ ഉള്‍പ്പെടെയുള്ള ഗുരുതരമായ സങ്കീര്‍ണതകള്‍ ഉണ്ടാകാനുള്ള സാധ്യത കൂടുതലാണ്. ഡയബറ്റിക് ന്യൂറോപ്പതി സംഭവിച്ചുകഴിഞ്ഞാല്‍, അതിന്റെ ചികിത്സ പ്രധാനമായും ശ്രദ്ധിക്കുന്നത് വേദനയും ലക്ഷണങ്ങളും കുറയ്ക്കുന്നതിലായിരിക്കും.

പ്രമേഹരോഗികളില്‍ കാല് വേദനയുടെ സങ്കീര്‍ണതകള്‍

ഡയബറ്റിക് പെരിഫറല്‍ ന്യൂറോപ്പതി രോഗികളില്‍ ഗുരുതരമായ സങ്കീര്‍ണതകള്‍ ഉണ്ടാക്കും. കാലുകളെ ബാധിക്കുന്ന സന്ദര്‍ഭങ്ങളില്‍, ഇത് കൈകാലുകള്‍ മുറിച്ചുമാറ്റല്‍, അണുബാധ, ബാലന്‍സ് നഷ്ടപ്പെല്‍ എന്നിവയിലേക്ക് നയിക്കുന്നു. ഈ രോഗത്തിന്റെ ലക്ഷണങ്ങളാണ് കാല് വേദന, പാദങ്ങളിലോ കാലുകളിലോ ഇക്കിളി, കത്തുന്ന സംവേദനം, പാദങ്ങള്‍ക്ക് വളരെ തണുപ്പോ ചൂടോ, അമിതമായ സെന്‍സിറ്റിവിറ്റി, കാലുകളില്‍ സംവേദനക്ഷമത നഷ്ടപ്പെടല്‍, ദുര്‍ബലമായ മസില്‍ ടോണ്‍, കുമിളകളോ വ്രണങ്ങളോ ഉണ്ടായാലും വേദനയില്ലാതിരിക്കല്‍, കാലിലെ അസ്ഥി ഘടനയില്‍ മാറ്റം എന്നിവ

പ്രമേഹരോഗികള്‍ കാല് വേദന പ്രശ്‌നം പരിഹരിക്കാനായി ഈ 5 കാര്യങ്ങള്‍ ശ്രദ്ധിക്കണം.

പതിവായുള്ള വ്യായാമം

പ്രമേഹരോഗികള്‍ അവരുടെ രക്തത്തിലെ പഞ്ചസാരയുടെ അളവ് കൃത്യമാക്കാനും ആരോഗ്യം നിലനിര്‍ത്താനുമായി വ്യായാമം ചെയ്യേണ്ടത് പ്രധാനമാണ്. ഇത് അവരുടെ ശരീരഭാരം വര്‍ദ്ധിപ്പിക്കുന്നു. ശരീരഭാരം വര്‍ദ്ധിക്കുന്നതിനാല്‍, കാലില്‍ വേദനയും വീക്കവും ഉണ്ടാകാം. ഇത് രക്തപ്രവാഹത്തെ പ്രതികൂലമായി ബാധിക്കുന്നു. പ്രമേഹമുള്ളവര്‍ ദിവസവും 40 മുതല്‍ 50 മിനിറ്റ് വരെ നിര്‍ബന്ധമായും വ്യായാമം ചെയ്യണം. പ്രമേഹ രോഗികള്‍ക്ക് സ്‌ട്രെച്ചിംഗ് വ്യായാമങ്ങളുടെ സഹായത്തോടെ അവരുടെ രക്തയോട്ടം മെച്ചപ്പെടുത്താന്‍ സാധിക്കും.

നല്ല ഭക്ഷണം

പ്രമേഹരോഗികളിലെ ഒരു സാധാരണ പ്രശ്‌നമാണ് ഞരമ്പുകളിലെ വേദന. സിരകളിലെ സമ്മര്‍ദ്ദം മൂലമാണ് കാലുകളില്‍ വേദന ഉണ്ടാകുന്നത്. തെറ്റായ ഭക്ഷണം കഴിക്കുന്നത് കാലില്‍ വേദനയും വീക്കവും വര്‍ദ്ധിപ്പിക്കും. ഒലിവ് ഓയില്‍ പോലുള്ള ആരോഗ്യകരമായ കൊഴുപ്പുകള്‍ പ്രമേഹരോഗികള്‍ കഴിക്കണം. ഇതുകൂടാതെ നിങ്ങളുടെ ഭക്ഷണത്തില്‍ പഴങ്ങളും പച്ചക്കറികളും ഉള്‍പ്പെടുത്തുക.

പുകവലി നിര്‍ത്തുക

പ്രമേഹ രോഗികള്‍ക്ക് പുകവലി ഒരു മോശം ശീലമാണ്. ഇത് ഞരമ്പുകളിലും പേശികളിലും മോശം സ്വാധീനം ചെലുത്തുന്നു. പ്രമേഹരോഗികളില്‍ മരുന്നുകളുടെ ഉപയോഗം രക്തയോട്ടം വഷളാക്കുന്നു. അതിനാല്‍ പ്രമേഹ രോഗികള്‍ എത്രയും പെട്ടെന്നു തന്നെ പുകവലി ശീലം ഉപേക്ഷിക്കുക. പ്രമേഹ മരുന്നുകളുടെ പ്രഭാവം കുറയ്ക്കാന്‍ പുകവലി കാരണമാകുന്നു. അതിനാല്‍ സിഗരറ്റ്, പുകയില, മദ്യം മുതലായവ ഒഴിവാക്കുക.

രക്തത്തിലെ പഞ്ചസാരയുടെ അളവ് പരിശോധിക്കുക

രക്തത്തിലെ പഞ്ചസാരയുടെ അളവ് വര്‍ധിക്കുന്നതിനാല്‍ കാലില്‍ വേദന അനുഭവപ്പെടുന്നു. പ്രമേഹമുള്ളവര്‍ ഷുഗര്‍ ലെവല്‍ എപ്പോഴും നിയന്ത്രണത്തിലാക്കി നിര്‍ത്തണം. ഇടയ്ക്കിടെ പഞ്ചസാരയുടെ അളവ് പരിശോധിക്കുക. അസാധാരണമായ ലക്ഷണങ്ങള്‍ കണ്ടാല്‍ ഡോക്ടറെ സമീപിക്കുക. ഭക്ഷണത്തിലെ അസന്തുലിതാവസ്ഥയും തെറ്റായ ജീവിതശൈലിയും കാരണം പഞ്ചസാരയുടെ അളവ് വളരെ പെട്ടെന്ന് വര്‍ദ്ധിപ്പിക്കുന്നു. പഞ്ചസാരയുടെ അളവ് നിയന്ത്രണത്തിലാക്കാന്‍, പ്രമേഹ രോഗികള്‍ രക്തത്തിലെ പഞ്ചസാരയുടെ അളവ് കൃത്യമായ ഇടവേളകളില്‍ പരിശോധിക്കുക.

ആവശ്യത്തിന് വെള്ളം കുടിക്കുക

ശരീരത്തിലെ ജലാംശം കുറയുന്നതിന്റെ ലക്ഷണം കൂടിയാണ് പേശിവേദന. നിര്‍ജ്ജലീകരണം ഒഴിവാക്കാന്‍ നിങ്ങള്‍ ധാരാളം വെള്ളം കുടിക്കണം. വെള്ളത്തിനൊപ്പം നിങ്ങള്‍ക്ക് ജ്യൂസുകള്‍, തേങ്ങാവെള്ളം, ഹെര്‍ബല്‍ ടീ, പച്ചക്കറി ജ്യൂസ് എന്നിവയും കഴിക്കാം. പ്രമേഹരോഗികള്‍ പായ്ക്ക് ചെയ്ത ജ്യൂസ് കഴിക്കുന്നത് ഒഴിവാണം. ഇവയില്‍ അടങ്ങിയിരിക്കുന്ന കൃത്രിമ പഞ്ചസാര നിങ്ങളുടെ രക്തത്തിലെ പഞ്ചസാരയുടെ അളവ് വര്‍ദ്ധിപ്പിക്കും.