പ്രമേഹം പാരമ്പര്യമെങ്കില്‍ തടയാന്‍...

നല്ല ഡയറ്റ്

നല്ല ഡയറ്റ്, അതായത് പ്രമേഹം തടയാന്‍ കഴിവുള്ള ഡയറ്റ് തെരഞ്ഞെടുക്കണം. നാരടങ്ങിയ ഭക്ഷണങ്ങള്‍, തവിടു കളയാത്ത ധാന്യങ്ങള്‍ എന്നിവ കൂടുതല്‍ കഴിയ്ക്കുക. പാവയ്ക്ക പോലുള്ള ഭക്ഷ്യവസ്തുക്കള്‍ ഉള്‍പ്പെടുത്തുക.

സാച്‌റേറ്റഡ്. ട്രാന്‍സ്ഫാറ്റ് ഭക്ഷണങ്ങള്‍

സാച്‌റേറ്റഡ്. ട്രാന്‍സ്ഫാറ്റ് ഭക്ഷണങ്ങള്‍ ഒഴിവാക്കുക. ഇത് പ്രമേഹസാധ്യത വര്‍ദ്ധിപ്പിയ്ക്കും. കൊഴുപ്പു കുറഞ്ഞ ആരോഗ്യകരമായ ഭക്ഷണങ്ങള്‍ തെരഞ്ഞെടുത്തു കഴിയ്ക്കുക.

പ്രമേഹം

കുടുംബപരമായുള്ള പ്രമേഹം തടയാനുള്ള നല്ലൊരു വഴിയാണ് വ്യായാമം. ഇത് നിങ്ങളുടെ ദിനചര്യയുടെ ഭാഗമാക്കുക.

മദ്യപാനം, പുകവലി

മദ്യപാനം, പുകവലി എന്നിവ ടൈപ്പ് 2 ഡയബെറ്റിസ് സാധ്യത വര്‍ദ്ധിപ്പിയ്ക്കുന്ന ഘടകങ്ങളാണ്. പ്രത്യേകിച്ചു കുടുംബപരമായുണ്ടെങ്കില്‍. ഇവ ഒഴിവാക്കുക.

മധുരം

മധുരം കഴിവതും ഒഴിവാക്കുക. നിര്‍ബന്ധമെങ്കില്‍ പഞ്ചസാരയ്ക്കു പകരം തേന്‍, ശര്‍ക്കര എന്നിവയുപയോഗിയ്ക്കുക.

എണ്ണ

എണ്ണയുപയോഗിയ്ക്കുന്ന കാര്യത്തിലും ശ്രദ്ധിയ്ക്കുക. ഇവയും ടൈപ്പ് 2 പ്രമേഹസാധ്യത വര്‍ദ്ധിപ്പിയ്ക്കും. കൊഴുപ്പു കുറഞ്ഞ ഒലീവ് ഓയില്‍, വെളിച്ചെണ്ണ എന്നിവ ഉപയോഗിയ്ക്കുന്നതാണ് നല്ലത്.

ബിപി

ബിപി എപ്പോഴും നിയന്ത്രിച്ചു നിര്‍ത്തുക. കാരണം ബിപി കൂടുന്നത് ടൈപ്പ് 2 പ്രമേഹസാധ്യത വര്‍ദ്ധിപ്പിയ്ക്കും.

സ്‌ട്രെസ്

സ്‌ട്രെസ് പ്രമേഹസാധ്യത വര്‍ദ്ധിപ്പിയ്ക്കുന്ന ഒരു പ്രധാന ഘടകമാണ്. പ്രത്യേകിച്ച് കുടുംബപരമായി പ്രമേഹമുണ്ടെങ്കില്‍.