ടൈപ്പ്-2 പ്രമേഹം നിയന്ത്രണവിധേയമാക്കാം

ലളിതമായ ഭക്ഷണക്രമമാണ് ഇത്തരക്കാര്‍ സ്വീകരിക്കേണ്ടത്. കൊഴുപ്പു കുറഞ്ഞ പാല്‍, ബദാം, വാള്‍നട്ട് തുടങ്ങിയ നല്ലതാണ്. ഇത്തരം ഭക്ഷണം ശരീരത്തിലെ പഞ്ചസാരയുടെ അംശം കുറക്കുന്നു.

മാംസഭക്ഷണത്തേക്കാളേറെ കൊഴുപ്പു കുറഞ്ഞ സസ്യാഹാരമാണ് നല്ലത്. സോയബീന്‍, ധാന്യങ്ങള്‍, കൊഴുപ്പില്ലാത്ത പാലുല്‍പന്നങ്ങള്‍ തുടങ്ങിയവയും നല്ലതാണ്. നാരുകളടങ്ങിയ ഭക്ഷണം കഴിക്കാന്‍ ശ്രദ്ധിക്കണം. പച്ചക്കറികളും അധികം മധുരമില്ലാത്ത പഴങ്ങളും പ്രമേഹനിയന്ത്രണത്തിന് സഹായിക്കും.

കാര്‍ബോഹൈഡ്രേറ്റുകള്‍ അടങ്ങിയ ഭക്ഷണം ടെപ്പ്-2 പ്രമേഹമുളളവര്‍ക്ക് നല്ലതല്ല. എന്നാല്‍ മധുരക്കിഴങ്ങ്, ഗോതമ്പുബ്രെഡ് എന്നിവ നല്ലതാണ്.

ഭക്ഷണനിയന്ത്രണത്തിനൊപ്പം വ്യായാമവും പ്രമേഹരോഗികള്‍ക്ക് പ്രയോജനം ചെയ്യും. വ്യായാമം വഴി ശരീരഭാരം കുറയുകയും ശരീരത്തിലെ രക്തചംക്രമണം ത്വരിതപ്പെടുകയും ചെയ്യും. ഏറോബിക്‌സ് വ്യായാമങ്ങള്‍ ചെയ്യുന്നത് പ്രമേഹം കുറക്കാനും ഇത്തരക്കാര്‍ക്ക് വരാവുന്ന ഹൃദയസംബന്ധിയായ രോഗങ്ങളെ തടയാനും സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.