പ്രമേഹക്കാര്‍ക്ക് ഡയറ്റ് ചാര്‍ട്ട്

വൈറ്റമിനുകള്‍ ആവശ്യമാണോ?

പ്രമേഹ രോഗികള്‍ കൃത്യമായ ഭക്ഷണക്രമം സ്വീകരിക്കണമെന്നതിനെക്കുറിച്ചാണ് നമ്മള്‍ പറഞ്ഞുവന്നത്. ഭക്ഷണത്തിനൊപ്പം പ്രത്യേക വൈറ്റമിനുകളോ ആന്റിഓക്‌സിഡന്റുകളോ കഴിയ്‌ക്കേണ്ടതുണ്ടോയെന്ന ചോദ്യം സ്വാഭാവികമാണ്.

ശരിയ്ക്കും പറഞ്ഞാല്‍ വേണ്ട എന്ന് തീര്‍ത്തു പറയാന്‍ കഴിയില്ല. നമ്മള്‍ കഴിയ്ക്കുന്ന ഭക്ഷണത്തിനെ ആശ്രയിച്ചുമാത്രമേ ഇത് പറയാന്‍ കഴിയുകയുള്ളു. നല്ല ആരോഗ്യകരമായ ഭക്ഷണശീലമാണെങ്കിലും പിന്നെ പ്രത്യേകിച്ച് പോഷകങ്ങള്‍ കഴിയ്‌ക്കേണ്ട കാര്യമില്ല.

എന്നാല്‍ ഭക്ഷണം വേണ്ടരീതിയില്‍ കഴിയ്ക്കുന്നില്ലെങ്കില്‍ എന്തെങ്കിലും പ്രത്യേക വൈറ്റമിനുകള്‍ കഴിയ്ക്കാവുന്നതാണ്. പ്രമേഹ രോഗികളില്‍ പ്രത്യേകിച്ചെന്തെങ്കിലും അസുഖങ്ങള്‍ വരുക, ശസ്ത്രക്രിയ ചെയ്യേണ്ടിവരുക തുടങ്ങിയ സാഹചര്യങ്ങളില്‍ ഡോക്ടറുടെ നിര്‍ദ്ദേശ പ്രകാരം വൈറ്റിമിനുകള്‍ കഴിയ്ക്കാം.

എന്നാല്‍ ആന്റിഓക്‌സിഡന്റ് മരുന്നുകള്‍ പ്രമേഹം ശമിപ്പിക്കുമെന്ന് തെറ്റിദ്ധരിക്കരുത്. ഇവ രണ്ടും തമ്മില്‍ ബന്ധിപ്പിക്കാന്‍ കഴിയില്ല. നല്ല പഴങ്ങളിലും അധികം വേവിക്കാത്ത പച്ചക്കറികളിലുമെല്ലാം ആന്റി ഓക്‌സിഡന്റുകള്‍ ധാരാളം അടങ്ങിയിട്ടുണ്ട്. ഇതുതന്നെ ധാരാളം.

താഴേ പ്രമേഹരോഗികള്‍ക്കുള്ള പ്രത്യേക ഡയറ്റ് ചാര്‍ട്ട് നല്‍കിയിരിക്കുന്നു