രോമവളര്‍ച്ച നിസ്സാരമാക്കരുത്..

By Sruthi K M

Published: Tuesday, June 23, 2015, 15:45 [IST]

പെണ്‍കുട്ടികളെയും സ്ത്രീകളെയും മാനസികമായി വേദനിപ്പിക്കുന്ന ഒരു പ്രശ്‌നമാണ് അമിത രോമവളര്‍ച്ച. പുരുഷന്മാരുടേതുപോലെ കട്ടിയുള്ള രോമങ്ങള്‍ മുഖം, മേല്‍ച്ചുണ്ട്, താടി, കൈകാലുകള്‍ എന്നീ ഭാഗങ്ങളില്‍ ഉണ്ടാകുന്നു. ഇതൊരു സൗന്ദര്യപ്രശ്‌നം മാത്രമല്ല, ഒരു സ്ത്രീയുടെ ആത്മവിശ്വാസം ഇല്ലാതാക്കുന്നവ കൂടിയാണ്.

സ്ത്രീകളില്‍ പുരുഷന്മാര്‍..

ചിലപ്പോള്‍ അമിതമായ ഈ രോമവളര്‍ച്ച രോഗങ്ങളുടെ ലക്ഷണമാകാം. ആമാശയത്തിലുണ്ടാകുന്ന ചില രോഗങ്ങള്‍, അഡ്രിനല്‍ ഗ്രന്ഥിയുടെ തകരാറുകള്‍, ഹോര്‍മോണ്‍ വ്യതിയാനങ്ങള്‍, തൈറോയ്ഡ് ഗ്രന്ഥികളുടെ പ്രവര്‍ത്തനത്തകരാറുകള്‍, ജനിതക കാരണങ്ങള്‍ എന്നിവയാണ് പ്രധാന കാരണങ്ങള്‍. മറ്റ് എന്തൊക്കെ രോഗങ്ങളുടെ ലക്ഷണമാകാം രോമവളര്‍ച്ച എന്നു അറിഞ്ഞിരിക്കാം. ഇതിനുള്ള പ്രകൃതിദത്തമായ വഴികളും അറിയാം.

അണ്ഡാശയമുഴ

അണ്ഡാശയമുഴകളും ചിലപ്പോള്‍ അമിത രോമവളര്‍ച്ചയ്ക്ക് കാരണമാകാം. 40 വയസ്സിനുമേലുള്ളവര്‍ ഇത്തരം കാര്യങ്ങല്‍ ശ്രദ്ധിക്കണം.

അഡ്രിനല്‍ ഗ്രന്ഥി

ശരീരപ്രവര്‍ത്തനത്തിന് ആവശ്യമായ കോര്‍ട്ടിഡോണ്‍ ഹോര്‍മോണ്‍ ഉണ്ടാക്കുന്ന ഗ്രന്ഥിയാണ് അഡ്രിനല്‍ ഗ്ലാന്‍ഡ്. ഇതിന്റെ പ്രവര്‍ത്തനത്തില്‍ ജന്മനാ ഉണ്ടാകുന്ന ചില തകരാറുമൂലവും അമിത രോമവളര്‍ച്ചയുണ്ടാകാം.

ആമാശയം

ആമാശയത്തിലുണ്ടാകുന്ന ചില രോഗങ്ങള്‍ കാരണവും ഇത്തരം രോമവളര്‍ച്ചയുണ്ടാകാം.

ഹോര്‍മോണ്‍

ശരീരത്തില്‍ ഉണ്ടാകുന്ന ഹോര്‍മോണ്‍ വ്യതിയാനങ്ങള്‍ മൂലവും ഇതുണ്ടാകാം.

തൈറോയ്ഡ്

തൈറോയ്ഡ് ഗ്രന്ഥികളുടം പ്രവര്‍ത്തനത്തകരാറുകള്‍, ജനിതക കാരണങ്ങള്‍ എന്നിവയും മുഖ്യകാരണങ്ങളാണ്.

മറ്റ് പ്രശ്‌നങ്ങള്‍

രോമവളര്‍ച്ചയുള്ളവര്‍ക്ക് ഒപ്പം മുഖക്കുരുവും ഉണ്ടാകാം. കഴുത്തിനു ചുറ്റും കറുപ്പുനിറം ഉണ്ടാകും.

ചികിത്സകള്‍

ഇത്തരക്കാര്‍ക്ക് അമിതമായ മുടികൊഴിച്ചില്‍, ശബ്ദവ്യത്യാസം എന്നിവ ഉണ്ടെങ്കില്‍ പെട്ടെന്ന് സ്‌കാന്‍ ചെയ്യുകയും, രക്തപരിശോധന നടത്തേണ്ടതുമാണ്.

പ്രകൃതിദത്തവഴികള്‍

രോമവളര്‍ച്ച ഒരു സൗന്ദര്യ പ്രശ്‌നം കൂടിയാണ്. ഇത്തരക്കാര്‍ രോമം കളയാന്‍ പ്രകൃതിദത്തമായ വഴികള്‍ തിരഞ്ഞെടുക്കുക. 30 ഗ്രാം പഞ്ചസാരയില്‍ ചെറുനാരങ്ങാനീര് ഒഴിക്കുക. ഇത് നന്നായി യോജിപ്പിച്ച് മുഖത്ത് പുരട്ടുക. ഒരാഴ്ച കൊണ്ട് രോമം കളയാം.