ഭക്ഷണത്തിനിടെ വെള്ളം കുടിച്ചാല്‍ അസിഡിറ്റി

Health

oi-Saritha

By Veena

Published: Thursday, January 5, 2012, 15:02 [IST]

ഭക്ഷണം കഴിയ്ക്കുന്നതിനിടെ വെള്ളം കുടിയ്ക്കുന്ന ശീലം മിക്കവാറും പേര്‍ക്കുണ്ട്. ഭക്ഷണം എളുപ്പം ദഹിക്കാന്‍ ഇത് നല്ലതാണെന്നാണ് പൊതുവെയുള്ള ധാരണയും. എന്നാല്‍ ഭക്ഷണത്തിനിടെ വെള്ളം കുടിയ്ക്കുന്നത് ദഹനം ബുദ്ധിമുട്ടാക്കുമെന്നതാണ് സത്യം. മാത്രമല്ലാ, അസിഡിറ്റി, ഗ്യാസ് തുടങ്ങിയ പ്രശ്‌നങ്ങള്‍ ഈ ശീലം വരുത്തി വയ്ക്കുകയും ചെയ്യും.

ദഹനത്തിന് സഹായിക്കുന്ന ദഹനരസങ്ങളുടെ ശക്തി വെള്ളം കുടിയ്ക്കുമ്പോള്‍ കുറയുകയാണ് ചെയ്യുന്നത്. ഇത് ഭക്ഷണം ദഹിക്കുവാന്‍ ബുദ്ധിമുട്ടുണ്ടാക്കുന്നു. മാത്രമല്ലാ, വെള്ളം കുടിയ്ക്കുമ്പോള്‍ ദഹനരസത്തിലന്റെ അളവും കുറയും. ദഹിക്കാത്ത ഭക്ഷണം കുടിലില്‍ നിന്ന് വീണ്ടും വയറിലേക്കെത്തുകയും അസിഡിറ്റിയും ഗ്യാസും ഉണ്ടാവുകയും ചെയ്യുന്നു.

മാത്രമല്ലാ, ഭക്ഷണത്തിനിടെ വെള്ളം കുടിയ്ക്കുമ്പോള്‍ ശരീരത്തിലെ ഇന്‍സുലിന്റെ പ്രവര്‍ത്തനം താളംതെറ്റുന്നു. രക്തത്തിലെ ഗ്ലൂക്കോസിന്റെ അളവ് കൂടാനും കൊഴുപ്പായി മാറാനും ഇത് ഇടയാക്കുന്നു. ഭക്ഷണത്തിനിടെ വെള്ളം കുടിച്ചാല്‍ വണ്ണം കൂടാനും സാധ്യതയുണ്ടെന്നര്‍ത്ഥം.

ഭക്ഷണത്തിന്റെ കൂടെ ഒരു കവിള്‍ വെള്ളം കുടിയ്ക്കുന്നതു കൊണ്ടോ ദാഹം മാറാന്‍ വെള്ളം കുടിയ്ക്കുന്നതു കൊണ്ടോ കുഴപ്പമില്ല. ഇതൊന്നുമില്ലാതെ ഭക്ഷണം കഴിയ്ക്കുമ്പോള്‍ ഒന്നോ രണ്ടോ ഗ്ലാസ് വെള്ളം കുടിയ്ക്കുന്നവര്‍ക്കാണ് ഇത്തരം പ്രശ്‌നങ്ങളുണ്ടാകുക.

ഭക്ഷണത്തില്‍ അധികം മസാലകള്‍ ചേര്‍ക്കാത്തതും നല്ലപോലെ ഭക്ഷണം ചവച്ചരച്ചു കഴിയ്ക്കുന്നതും ഇടയ്ക്കിടെ വെള്ളം കുടിയ്ക്കാനുള്ള പ്രവണത ഒഴിവാക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.