നടുവുളുക്കിയാല്‍ വീട്ടുവൈദ്യം

യൂക്കാലി തൈലം നടുവുളുക്കും വേദനവും മാറ്റാനുള്ള നല്ലൊരു മാര്‍ഗമാണ്. ചൂടുവെള്ളത്തില്‍ മൂന്നോ നാലോ തുള്ളി യൂക്കാലി തൈലം ഒഴിച്ചു കുളിച്ചാല്‍ ശരീരോഷ്മാവ് കൂടുകയും വേദനയില്‍ നിന്ന് ആശ്വാസം ലഭിക്കുകയും ചെയ്യും. യൂക്കാലി തൈലത്തിന്റെ ഔഷധഗുണം ഉളുക്കു മാറ്റുവാനും സഹായിക്കും.

ബാത് ടബില്‍ ചൂടുവെള്ളം നിറച്ച് അതില്‍ അല്‍പം ഉപ്പിട്ട് കിടക്കുന്നതും ഉളുക്കിന് ആശ്വാസം നല്‍കും. ചൂടുവെള്ളത്തില്‍ ഉപ്പിട്ട് കുളിക്കുന്നതും നല്ലതാണ്.

ഐസ് ബാഗ് ഉളുക്കിയ ഭാഗത്തു വയ്ക്കുന്നത് വേദനയുടെ ആധിക്യം കുറയ്ക്കും. മസിലുകള്‍ക്ക് അയവു നല്‍കുകയാണ് ഐസ് ചെയ്യുന്നത്.

ഇഞ്ചി അരച്ച് മഞ്ഞള്‍പ്പൊടിയും കറ്റാര്‍വാഴയുടെ ജെല്ലും കൂട്ടിച്ചേര്‍ത്ത് ഉളുക്കിയ ഭാഗത്ത് പുരട്ടുന്നത് വേദനയില്‍ നിന്ന് ആശ്വാസം നല്‍കും. വിപണിയില്‍ ലഭിക്കുന്ന വേദനസംഹാരികളേക്കാള്‍ ഗുണം ചെയ്യുന്ന ഒന്നാണിത്.

വെളിച്ചെണ്ണ, എള്ളെണ്ണ, ആവണക്കെണ്ണ തുടങ്ങിയവ ചൂടാക്കി ഉളുക്കിയ ഭാഗത്തു പുരട്ടി മൃദുവായി ഉഴിയുന്നത് ഗുണം ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.