വണ്ണം കുറയ്ക്കും സ്‌നാക്കുകള്‍

Published: Thursday, January 5, 2012, 15:20 [IST]

സ്‌നാക്കുകളായി മിക്കവാറും പേര്‍ വറുത്തതും പൊരിച്ചതുമാണ് കഴിക്കാറ്. അതുകൊണ്ട് സ്‌നാക്കുകള്‍ കഴിച്ചാല്‍ വണ്ണം കൂടുമെന്ന അബദ്ധധാരണയും പലര്‍ക്കുമുണ്ട്. എന്നാല്‍ വണ്ണം കൂട്ടാത്തതും എന്നാല്‍ ആരോഗ്യത്തിന് നല്ലതുമായ ചില സ്‌നാക്കുകളുണ്ട്.

സ്‌നാക്കായി ബദാം, പിസ്ത, നിലക്കടല തുടങ്ങിയ നട്‌സുകള്‍ കഴിച്ചുനോക്കൂ. വിശപ്പും മാറും, ആരോഗ്യവും നന്നാവും. ചീത്ത കൊളസ്‌ട്രോളായ എല്‍ഡിഎല്‍ കൊള്‌സ്‌ട്രോള്‍ കുറയ്ക്കാനും ഇവയ്ക്കാവും.

പച്ചക്കറി, ഫലവര്‍ഗ സാലഡുകള്‍ തടി കുറയ്ക്കുകയും എന്നാല്‍ ആരോഗ്യം നല്‍കുകയും ചെയ്യുന്ന സ്‌നാക്കുകളാണ്. ഇവയില്‍ വേണമെങ്കില്‍ കൊഴുപ്പു കുറഞ്ഞ തൈരും ബട്ടറും ഇട്ട് സ്വാദു കൂട്ടുകയും ചെയ്യാം.

യോഗര്‍ട്ട് വിശപ്പു മാറ്റുകയും ശരീരത്തിന് പോഷകം നല്‍കുകയും ചെയ്യുന്ന നല്ലൊരു സ്‌നാക്കായെടുക്കാം. ഇതിനൊപ്പം ഫലവര്‍ഗങ്ങളോ പച്ചക്കറികളോ ചേര്‍ത്തും കഴിയ്ക്കാം.

ക്യാരറ്റ് പച്ചക്കറി മാത്രമല്ലാ, നല്ലൊരു സ്‌നാക്കായും ഉപയോഗിക്കാം. ക്യാരറ്റ് വെറുതെ കടിച്ചു തിന്നുകയോ സാലഡായി കഴിയ്ക്കുകയോ ചെയ്യാം. ആരോഗ്യത്തിനും കണ്ണിനും നല്ലതാണെന്നു മാത്രമല്ലാ, ചര്‍മത്തിനും മുടിയ്ക്കും ഇവ ഉപകാരപ്രദവുമാണ്.

വെജിറ്റബിള്‍ സൂപ്പും വിശപ്പു തോന്നുമ്പോള്‍ കഴിക്കാവുന്ന ഒന്നാണ്, പ്രത്യേകിച്ചും വിന്ററില്‍. വിവിധയിനം പച്ചക്കറികള്‍ വേവിച്ച് സൂപ്പായി ഉപയോഗിക്കാം. മാംസം വേണമെന്നുള്ളവര്‍ കൊഴുപ്പു കുറഞ്ഞ ചിക്കന്‍ സൂപ്പ് ഉപയോഗിക്കുക.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.