കൊഴുപ്പു കുറയ്ക്കാന്‍ വെള്ളം

Health

oi-Saritha

By Veena

Published: Wednesday, December 21, 2011, 10:47 [IST]

ശരീരത്തിലെ കൊഴുപ്പു കുറയ്ക്കാന്‍ പല മാര്‍ഗങ്ങളുമുണ്ട്. എന്നാല്‍ വെള്ളം കൊഴുപ്പു കുറയ്ക്കാന്‍ സഹായിക്കുന്നുണ്ടെന്നറിയാമോ. വെറുതേ പറയുന്നതല്ലാ, പഠനങ്ങള്‍ തെളിയിച്ചിട്ടുള്ള ഒരു സത്യമാണിത്.

വെള്ളം കുടിയ്ക്കുന്നത് വിശപ്പു കുറയ്ക്കും. ഭക്ഷണം കുറയുന്നത് സ്വാഭാവികമായും കൊഴുപ്പും കുറയ്ക്കും. വെള്ളം കുറവ് കുടിയ്ക്കുന്നവരില്‍ കൊഴുപ്പു കൂടുതലും കൂടുതല്‍ കുടിയ്ക്കുന്നവരില്‍ കൊഴുപ്പ് കുറവും കണ്ടെത്തിയിട്ടുണ്ട്.

കിഡ്‌നിയുടെ ശരിയായ പ്രവര്‍ത്തനത്തിനും വെള്ളം അത്യാവശ്യമാണ്. ഇത് കരളിന്റെ പ്രവര്‍ത്തനത്തെ ബാധിക്കും. കരളാണ് കൊഴുപ്പിനെ ഊര്‍ജമാക്കി മാറ്റുന്നത്. കരള്‍ ശരിയായി പ്രവര്‍ത്തിക്കാതിരിക്കുമ്പോള്‍ കൊഴുപ്പടിഞ്ഞു കൂടും. ഇങ്ങനെ തടിയും വര്‍ദ്ധിക്കും.

ഭക്ഷണം ദഹിക്കുവാനും വെള്ളം വേണം. വെള്ളം കുടിക്കാത്തത് മലബന്ധവും തുടര്‍ന്ന് പൈല്‍സ് പോലുള്ള രോഗങ്ങളും വരുത്തിവയ്ക്കുന്നു.

വണ്ണം കൂടിയവര്‍ വണ്ണം കുറവുള്ളവരേക്കാള്‍ വെള്ളം കുടിയ്ക്കണമെന്നാണ് പറയുക. ദിവസവും എട്ടു ഗ്ലാസ് വെള്ളമെങ്കിലും കുടിയ്ക്കുന്നത് ശാരീരിക പ്രവര്‍ത്തനങ്ങള്‍ ശരിയായി നടക്കുവാനും അസുഖങ്ങള്‍ ഒഴിവാക്കുവാനും അത്യാവശ്യമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.