വിദ്യാബാലനെ 'സില്‍കാ'ക്കിയത് ഭക്ഷണം

Health

oi-Saritha

By Veena

Published: Friday, December 23, 2011, 14:34 [IST]

സില്‍ക് സ്മിതയെ വീണ്ടും വെള്ളിത്തിരയില്‍ അവതരിപ്പിച്ച വിദ്യാബാലനാണ് ഭാഷാഭേദമില്ലാതെ സംസാര വിഷയമായിരിക്കുന്നത്. ചെയ്യുന്ന ഏതു റോളുകളും പൂര്‍ണമായ അന്തസത്തയോടെ ആവിഷ്‌കരിക്കാന്‍ ശ്രമിക്കുന്ന വിദ്യ ഇവിടെയുംപതിവു തെറ്റിച്ചില്ല. സില്‍കിന്റെ ശരീരഭാഷ സ്വന്തമാക്കാന്‍ വേണ്ടി 12 കിലോയാണ് പരിണീതയിലെ മെലിഞ്ഞ ശാലീനസുന്ദരി സ്വന്തം ശരീരത്തിലേക്കു കൂട്ടിച്ചേര്‍ത്തത്.

വെയിറ്റു കൂട്ടുവാന്‍ വേണ്ടി ചില പ്രത്യേക ഭക്ഷണങ്ങളും വിദ്യ കഴിച്ചിരുന്നു. ചോക്ലേറ്റ്, പാസ്ത, ക്രീം ബിസ്‌ക്കറ്റുകള്‍ എന്നിവ വിദ്യ ഭക്ഷണത്തില്‍ ഉള്‍പ്പെടുത്തിയിരുന്നു. ഇവ കൂടാതെ ഏത്തപ്പഴം, ബദാം എന്നിവയും ഡേര്‍ട്ടി പിക്ചറിനായി വിദ്യ ഭക്ഷണത്തില്‍ ഉള്‍പ്പെടുത്തി.

ഷൂട്ടിംഗിനിടയില്‍ പോലും പാസ്ത, ബര്‍ഗര്‍ എന്നിവ കഴിച്ചാണ് ഈ നടി ഭാരം കൂട്ടിയത്.

സില്‍ക് സ്മിതയുടെ ശരീരവടിവ് വളരെ പ്രശസ്തമാണ്. അതുകൊണ്ട് വയര്‍, അരക്കെട്ട് എന്നീ ഭാഗങ്ങളിലെ കൊഴുപ്പു കൂട്ടി എന്നാല്‍ ശരീരാകൃതി നഷ്ടപ്പെടുത്താതെയുള്ള ഒരു ഡയറ്റാണ് വിദ്യ സ്വീകരിച്ചത്.

കൂട്ടിയ ഭാരം കുറയ്ക്കാനായി നടി വ്യായാമവും ആരംഭിച്ചു കഴിഞ്ഞു. ജിമ്മില്‍ പോകലും വ്യായാമ, ഭക്ഷണനിയന്ത്രണവും വഴിയാണ് വിദ്യ വീണ്ടും പഴയ രൂപത്തിലേക്കു തിരിച്ചെത്തുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.