കരയുന്നത് ആരോഗ്യം നന്നാക്കും

Health

oi-Saritha

By Veena

Published: Friday, December 9, 2011, 15:03 [IST]

പെണ്ണുങ്ങളെ പോലെ കരയുക എന്നൊരു പ്രയോഗം നിലവിലുണ്ട്. എന്നാല്‍ കണ്ണുനീരിനെ പരിഹസിച്ച് തള്ളാന്‍ വരട്ടെ. കരയുന്നത് ആരോഗ്യത്തിന് നല്ലതാണെന്നാണ് തെളിയിക്കപ്പെട്ടിട്ടുള്ളത്.

ദുഖം, ടെന്‍ഷന്‍ തുടങ്ങിയ വികാരങ്ങള്‍ ഉണ്ടാകുമ്പോള്‍ ധാരാളം സ്‌ട്രെസ് ഹോര്‍മോണുകള്‍ ശരീരത്തില്‍ ഉല്‍പാദിപ്പിക്കപ്പെടുന്നുണ്ട്. ഇവ ശാരീരിക പ്രവര്‍ത്തനങ്ങള്‍ക്കും ശരീരത്തിലെ അവയവങ്ങള്‍ക്കും ദോഷം വരുത്തുന്നവയാണ്. തലച്ചോറിലെ കോശങ്ങള്‍ക്കും ഇത്തരം സ്‌ട്രെസ് ഹോര്‍മോണുകള്‍ ദോഷം ചെയ്യും. കരയുമ്പോള്‍ കണ്ണുനീരിലൂടെ ഈ ഹോര്‍മോണുകള്‍ പുറന്തള്ളിപ്പോകുകയാണ് ചെയ്യുന്നത്. കരഞ്ഞു കഴിഞ്ഞാല്‍ ടെന്‍ഷനും ദുഖവും കുറയുവാനുള്ള ഒരു കാരണം ഇതാണ്.

കരയുമ്പോള്‍ എന്‍ഡോര്‍ഫിന്‍ എന്നൊരു ഹോര്‍മോണ്‍ ഉണ്ടാകുന്നുണ്ട്. ഇതിനെ നല്ല ഹോര്‍മോണുകളുടെ ഗണത്തിലാണ് പെടുത്തിയിരിക്കുന്നത്. സന്തോഷം നല്‍കാനും മൂഡോഫ് മാറാനും എന്‍ഡോര്‍ഫിന്‍ സഹായിക്കും. കരഞ്ഞാല്‍ സന്തോഷമുണ്ടാകുമെന്നു വേണമെങ്കില്‍ പറയാം.

കരയുമ്പോള്‍ കണ്ണുനീര്‍ ഗ്രന്ഥികളിലൂടെ മൂക്കിനുള്ളിലും ഈര്‍പ്പമെത്തുന്നതുണ്ട്. ഇത് അന്തരീക്ഷത്തിലെ ബാക്ടീരിയകള്‍ മൂക്കിലേക്ക് കടന്ന അസുഖമുണ്ടാകുന്നത് തടയും. ഇത്തരത്തിലും കരച്ചില്‍ ആരോഗ്യത്തിന് നല്ലതാണെന്നര്‍ത്ഥം.

കണ്ണുകളെ സംരക്ഷിക്കാനുള്ള ഒരു മാര്‍ഗം കൂടിയാണ് കരച്ചില്‍. കരയുന്നത് വഴി കണ്ണിലെ കരടുകളും രോഗാണുക്കളും പുറന്തള്ളപ്പെടുന്നുണ്ട്. കണ്ണില്‍ പൊടി പോകുമ്പോഴോ കരടു പോകുമ്പോഴോ കണ്ണുനീര്‍ വരുന്നതിന്റെ ഒരു കാരണം ഈ സ്വാഭാവിക പ്രതിരോധമാണ്.

കരയുമ്പോള്‍ പരിഹസിക്കുന്നവരോട് ഇത്തരം ഗുണവശങ്ങള്‍ പറഞ്ഞു കൊടുക്കൂ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.