പ്രായവും ഉറക്കവും പരസ്പരപൂരിതം

Health

oi-Saritha

By Veena

Published: Saturday, October 22, 2011, 16:09 [IST]

ഉറക്കം നമ്മുടെ മനസിനും ശരീരത്തിനും ഏററവും ചേര്‍ന്ന ഒരു വിശ്രമമാര്‍ഗമാണ്. ഒരാള്‍ എത്ര സമയം ഉറങ്ങണം എന്നതിനെ കുറിച്ച് എഴുതിപ്പിടിപ്പിച്ച കൃത്യമായ കണക്കുകളൊന്നുമില്ല. എന്നാലും ഓരോ പ്രായത്തിലും ഉറക്കസമയം വ്യത്യസ്തമാണ് എന്നതാണ് വാസ്തവം.

കുഞ്ഞുങ്ങളുടെ വളര്‍ച്ചക്ക് ഉറക്കം അത്യാവശ്യമാണെന്ന് പറയും. നവജാത ശിശുക്കള്‍ ദിവസവും 16മുതല്‍ 18 മണിക്കൂര്‍ വരെ ഉറങ്ങും. കൂടുതലും പകലുറക്കമായിരിക്കും കുഞ്ഞുങ്ങള്‍ക്ക് കൂടുതല്‍. പകല്‍ മുഴുവന്‍ ഉറങ്ങി രാത്രി ഉണര്‍ന്നിരിക്കുന്ന ശീലമുള്ള കുഞ്ഞുങ്ങളുമുണ്ട്. മൂന്നു വയസു വരെ മിക്കവാറും കുഞ്ഞുങ്ങള്‍ പകല്‍ സമയത്ത് ഉറങ്ങും.

രണ്ടു മുതല്‍ നാലു വയസു വരെയുള്ള കുട്ടികള്‍ക്ക് ദിവസവും 11 മുതല്‍ 13 മണിക്കൂര്‍ വരെ ഉറക്കം ആവശ്യമുണ്ട്. സാധാരണ ദിനചര്യകളുമായി ഏകദേശം ഇണങ്ങിപ്പോരാനുള്ള പ്രായമാണിത്. മൂന്നുനാലു വയസുള്ള കുട്ടികളെ നിശ്ചിതസമയത്ത് കിടത്തി ഉറക്കുന്ന ശീലം നല്ലതാണ്.

കൗമാരപ്രായക്കാര്‍ക്ക് 9-10 മണിക്കൂര്‍ ഉറക്കം ആവശ്യമാണ്. പഠനത്തിരക്കും മറ്റും വരുമ്പോള്‍ ഈ സമയം വേണെങ്കില്‍ ഏഴു മണിക്കൂര്‍ വരെയാക്കി ചുരുക്കാം. മുതിര്‍ന്നവര്‍ക്കും 7-8 മണിക്കൂര്‍ ഉറക്കം ആവശ്യമാണ്.

പ്രായമായവര്‍ ഉറക്കം വരുന്നില്ലെന്ന പരാതി പറഞ്ഞു കേള്‍ക്കാം. പ്രായമാകുന്തോറും ഉറക്കസമയവും കുറഞ്ഞുവരും. ഇവര്‍ക്കും എട്ടു മണിക്കൂറെങ്കിലും ഉറക്കം ആവശ്യമാണ്.

ശാരീരിക അസ്വാസ്ഥ്യങ്ങളും മാനസിക പിരിമുറുക്കങ്ങളും ഉറക്കം കുറയ്ക്കും. വായിക്കുക, പാട്ടു കേള്‍ക്കുക തുടങ്ങിയവ വേഗം ഉറക്കം വരാനുളള മാര്‍ഗങ്ങളാണ്. യോഗ, ധ്യാനം തുടങ്ങിയവ പരിശീലിക്കുന്നതും ഉറക്കക്കുറവിനുള്ള മാര്‍ഗങ്ങളാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.