ജനറല്‍ മോട്ടേഴ്‌സ് ഡയറ്റും കൊള്ളാം

ആദ്യദിവസം ഫലവര്‍ഗങ്ങള്‍ മാത്രമെ കഴിക്കാവൂ. പഴം തൂക്കം വര്‍ദ്ധിപ്പിക്കുമെന്നത് കൊണ്ട് അതൊഴികെയുള്ള ഏതു പഴങ്ങളും എത്ര വേണമെങ്കിലും എപ്പോള്‍ വേണമെങ്കിലും കഴിയ്ക്കാം. തണ്ണിമത്തന്റെ വര്‍ഗത്തില്‍ പെട്ടവ തീര്‍ച്ചയായും ഭക്ഷണത്തില്‍ ഉള്‍പ്പെടുത്തണം. ഇത് വിശപ്പു മാറാനും ജലാംശം നിലനിര്‍ത്താനും നല്ലതാണ്.

രണ്ടാം ദിവസം ഫലവര്‍ഗങ്ങളോടൊപ്പം പച്ചക്കറികളും ഉള്‍പ്പെടുത്തണം. പ്രഭാത ഭക്ഷണത്തില്‍ ഉരുളക്കിഴഞ്ഞ് ഉള്‍പ്പെടുത്തേണ്ടത് ജിഎം ഡയറ്റില്‍ പ്രധാനമാണ്. ഇത് കാര്‍ബോഹൈഡ്രേറ്റ് ഉണ്ടാവാന്‍ സഹായിക്കുകയും അങ്ങനെ ശരീരത്തിന് ആവശ്യമായ ഊര്‍ജം നല്‍കുകയും ചെയ്യും. പഴം കഴിയ്ക്കരുത്.

മൂന്നാംദിവസം പഴങ്ങളും പച്ചക്കറികളും മാത്രം കഴിയ്ക്കാം. പക്ഷേ ഉരുളക്കിഴങ്ങ് കഴിയ്ക്കരുത്. ഇതുവഴി ശരീരത്തിലെ കൊഴുപ്പ് ഊര്‍ജമാക്കി മാറ്റി ശാരീരിക പ്രവര്‍ത്തനങ്ങള്‍ക്ക് ഉപയോഗിക്കപ്പെടും.

നാലാം ദിവസം പഴത്തിന്റെ ദിവസമാണ്. മൂന്നു ഗ്ലാസ് പാലും ആവശ്യമുള്ളത്ര പഴവും കഴിയ്ക്കാം. ശരീരത്തിന് ആവശ്യമുള്ളത്ര പോഷകങ്ങള്‍ ഇതില്‍ നിന്ന് ലഭിയ്ക്കും.

അഞ്ചാം ദിവസം കൊഴുപ്പില്ലാത്ത കോഴിയിറച്ചി കഴിയ്ക്കാം. തോല്‍ നീക്കിയ കോഴിയിറച്ചിയാണ് ഉപയോഗിക്കേണ്ടത്. ആറു തക്കാളിയും അഞ്ചാം ദിവസം കഴിയ്ക്കണം. തക്കാളി പാകം ചെയ്തല്ലാ, പച്ചയ്ക്കു തന്നെയാണ് കഴിയ്‌ക്കേണ്ടത്. ഇതില്‍ നിന്നും ശരീരത്തിന് ആവശ്യമായ ആന്റി ഓക്‌സിഡന്റുകള്‍ ലഭിയ്ക്കും. ശരീരത്തിലെ വിഷാംശം അകറ്റുവാന്‍ ഇത് സഹായിക്കും.

ആറാം ദിവസവും ചിക്കന്‍ കഴിയ്ക്കാം. എന്നാല്‍ പച്ചക്കറികളുടെ കൂടെ വേണം ഉപയോഗിക്കാന്‍. മാത്രമല്ലാ, ഇത് പാചകം ചെയ്യാന്‍ ഒരല്‍പം ഒലീവ് ഓയില്‍ മാത്രമെ ഉപയോഗിക്കാവൂ.

ഏഴാം ദിവസം ചോറും ചിക്കനും കഴിയ്ക്കാം. ആവശ്യമുള്ള മറ്റു ഭക്ഷണങ്ങളും കുറേശെ കഴിയ്ക്കാം. തവിടു കളയാത്ത അരി കൊണ്ടുള്ള ചോറുണ്ണുന്നതാണ് നല്ലത്.

ഈ ഡയറ്റ് പിന്‍തുടര്‍ന്നവര്‍ക്ക് പെട്ടെന്ന് തന്നെ ഫലം ലഭിച്ചിട്ടുണ്ടെന്നാണ് പരീക്ഷണങ്ങള്‍ തെളിയിക്കുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.