പുതുവത്സരത്തിന് ശരീരത്തെ ഫിറ്റാക്കാം

Health

oi-Saritha

By Veena

Published: Tuesday, December 20, 2011, 12:03 [IST]

ന്യൂഇയര്‍ ഈവ് അടുത്തുവരികയാണ്. ക്രിസ്മസും പുതുവര്‍ഷവും ഒരുമിച്ചു വരവേല്‍ക്കാനുള്ള ഒരുക്കത്തിലാണ് എല്ലാവരും. ശരീരത്തിന്റെ സൗന്ദര്യവും ആരോഗ്യവും പുതുവര്‍ഷത്തിന് മുന്‍പ് ഫിറ്റാക്കണമെന്നുള്ളവര്‍ക്കുള്ള ചില ഫിറ്റ്‌നസ് മന്ത്ര ഇതാ;

കുറഞ്ഞ സമയത്തിനുളളില്‍ ചെയ്യേണ്ട ചില കാര്യങ്ങളുണ്ട്. തടി കുറയ്ക്കണമെങ്കില്‍ കൃത്യസമയത്ത് കുറഞ്ഞ അളവില്‍ മാത്രം ഭക്ഷണം കഴിയ്ക്കുക. പ്രോട്ടീന്‍, ഫൈബര്‍ എന്നിവ അടങ്ങിയ കൊഴുപ്പു കുറഞ്ഞ ഭക്ഷണസാധനങ്ങള്‍ തെരഞ്ഞെടുക്കുക. പയറുവര്‍ഗങ്ങള്‍, ബീന്‍സ്, ഓട്‌സ്, ബ്രൊക്കോളി, ഓറഞ്ച്, പപ്പായ, തവിടു കളയാത്ത ധാന്യങ്ങള്‍ എന്നിവ ഗുണം ചെയ്യും. ഭക്ഷണം പാകം ചെയ്യാനുള്ള എണ്ണ എപ്പോഴും കൊഴുപ്പു കുറഞ്ഞതാകാന്‍ ശ്രദ്ധിക്കുക.

ചെയ്യരുതാത്ത കാര്യങ്ങളില്‍ പ്രധാനം കൊഴുപ്പുകലര്‍ന്ന ഭക്ഷണം കഴിക്കുന്നതാണ്. ശരീരത്തിന് ആവശ്യമായ ഒമേഗ ഫാറ്റി ആസിഡ് അടങ്ങിയ കൊഴുപ്പു തെരഞ്ഞെടുക്കാന്‍ ശ്രദ്ധിക്കുക.

ഭക്ഷണം ഉപേക്ഷിക്കുന്നത് പാടെ ഒഴിവാക്കുക. ഇത് വണ്ണം കുറയ്ക്കാനല്ലാ, മറിച്ച് ശരീരത്തിന് ക്ഷീണം തോന്നാനാണ് കാരണമാകുക.

ഭക്ഷണം സമയാസമയത്തിന് തന്നെ കഴിയ്ക്കണം. എന്നാലേ ശരീരത്തിലെ അപചയപ്രവര്‍ത്തനങ്ങള്‍ കൂടുതല്‍ കാര്യക്ഷമമാകൂ. വ്യായാമവും പ്രധാനം തന്നെയാണ്. ജോഗിങ്, നീന്തല്‍ തുടങ്ങിയ ഏതെങ്കിലും രീതിയിലുള്ള വ്യായാമം പ്രധാനമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.