മലബന്ധം ഒഴിവാക്കാന്‍ പഴങ്ങള്‍

നാരുകളടങ്ങിയ ഭക്ഷണത്തിന്റെ പോരായ്മയാണ് പലപ്പോഴും മലബന്ധത്തിന് കാരണമാകുന്നത്. വെളളം കുടിയ്ക്കാത്തതും പ്രധാന കാരണം തന്നെ.

നാരുകളടങ്ങിയ പച്ചക്കറികളും പഴവര്‍ഗങ്ങളും ധാരാളം ലഭ്യമാണ്. ഇവ ഭക്ഷണത്തില്‍ ഉള്‍പ്പെടുത്തണം. സെലറി, ബീന്‍സ്, കോളിഫഌവര്‍, ക്യാബേജ്, ലെറ്റൂസ്, ആസ്പരാഗസ്, ബ്രൊക്കോളി, ഉള്ളി, തക്കാളി, കാരറ്റ് എന്നിവയില്‍ നാരുകള്‍ അടങ്ങിയിട്ടുണ്ട്. ഇവ എളുപ്പം ദഹിക്കുകയും ചെയ്യും.

ഗോതമ്പ്, തവിട് കളയാത്ത അരി, ഓട്‌സ്, ബാര്‍ലി തുടങ്ങിയ ധാന്യങ്ങള്‍ ദഹനം എളുപ്പമാക്കുകയും മലബന്ധം ഒഴിവാക്കുകയും ചെയ്യും.

മലബന്ധം മാറ്റുന്നതിനുള്ള ഒന്നാന്തരം മാര്‍ഗമാണ് പഴങ്ങള്‍. ആപ്പിള്‍, പപ്പായ, ബെറി, തണ്ണിമത്തന്‍, നാരങ്ങ, മാങ്ങ, മുന്തിരി തുടങ്ങിയ ഏതു പഴങ്ങളും ഗുണം ചെയ്യും.

ആപ്രിക്കോട്ട്, ബദാം, ഈന്തപ്പഴം, ഉണക്കമുന്തിരി, ഫിഗ് തുടങ്ങിയവ മലബന്ധം കുറയ്ക്കുവാന്‍ സഹായിക്കുന്ന ഭക്ഷണപദാര്‍ത്ഥങ്ങളാണ്.

മലബന്ധം മാറാനുളള ഏറ്റവും നല്ല മാര്‍ഗം വെള്ളം കുടിയ്ക്കുകയാണ്. ദിവസവും എട്ടു പത്തു ഗ്ലാസ് വെള്ളമെങ്കിലും കുടിയ്ക്കണം. സൂപ്പുകള്‍, പഴച്ചാറ് എന്നിവയും മലബന്ധത്തിനുള്ള പരിഹാരമാര്‍ഗങ്ങളാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.