വ്യായാമം ചെയ്യാം, മുട്ടുവേദന കുറക്കാം

Published: Thursday, September 29, 2011, 15:00 [IST]

കാല്‍മുട്ടുകളിലെ വേദന പ്രായമായവരെ അലട്ടുന്ന ഒരു പ്രശ്‌നമാണ്. നമ്മുടെ ശരീരത്തില്‍ ഏറ്റവും കൂടുതല്‍ പരിക്കു പറ്റാന്‍ സാധ്യതയും മുട്ടിനാണ്. മുട്ടുവേദന ഒഴിവാക്കാനുള്ള വ്യായാമങ്ങളുമുണ്ട്.

ഫ്‌ളെക്‌സിങ്; ഈ വ്യായാമം ചെയ്യാന്‍ ഒരു കസേരയിലിരുന്ന് ഒരു ടവല്‍ പാദത്തിനടിയില്‍ കെട്ടുക. കാല്‍മുട്ടു വളയുന്നതു വരെ കൈകള്‍ കൊണ്ട് തുണി ഉയര്‍ത്തുക.അഞ്ചിഞ്ചെങ്കിലും തറയില്‍ നിന്നും പാദം പൊങ്ങണം. പത്തു സെക്കന്റോളം കാലുകള്‍ പൊക്കിപ്പിടിക്കണം. പിന്നീട് സാവധാനം കാലുകള്‍ തറയില്‍ വക്കുക. ഇരുകാലുകള്‍ കൊണ്ടും അഞ്ചുതവണ വീതം ഈ വ്യായാമം ചെയ്യുക.

ഹാംസ്ട്രിങ്‌സ്; പുറകിലുള്ള കസേരയില്‍ പിടിച്ചുനിന്ന ഓരോ കാല്‍ വീതം പത്തു സെക്കന്റ് പൊക്കിപ്പിടിക്കുക. അഞ്ചുതവണയെങ്കിലും ഇതു ചെയ്യണം.

പുഷ് അപ്; ഈ വ്യായാമത്തിന് ഓരോ കാല്‍ വീതം കോണിപ്പടിയുടെ താഴെയുളള സ്റ്റെപ്പില്‍ വക്കുക. ഇടതുകാല്‍ വക്കുമ്പോള്‍ വലതുകാല്‍ വളയാതെ തറയിലായിരിക്കണം. അതിനു ശേഷം ഇടതുകാല്‍ പതുക്കെ ഉയര്‍ത്തുക. അപ്പോള്‍ വലതുകാലിന് അല്‍പം ആയാസം അനുഭവപ്പെടും. ഇരുകാലുകള്‍ക്കും ഈ വ്യായാമം ചെയ്യണം.

ഈ വ്യായാമങ്ങള്‍ ചെയ്യുന്നത് മുട്ടുവേദന കുറക്കാന്‍ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.