കൂര്‍ക്കംവലിക്ക് ഇതാ പരിഹാരം

Health

oi-Saritha

By Veena

Published: Monday, October 24, 2011, 17:07 [IST]

കൂര്‍ക്കംവലി പലരുടേയും ഉറക്കം കെടുത്തുന്ന ഒന്നാണ്. നിസാരമെന്നു തോന്നാമെങ്കിലും കൂര്‍ക്കംവലി വിവാഹമോചനത്തിന് വരെ വഴിവച്ച സംഭവങ്ങളുമുണ്ട്. ഇത് ഒരു അസുഖമല്ല. പരിഹരിക്കാനാവുന്ന പ്രശ്‌നവുമാണ്.

കൂര്‍ക്കംവലി ശ്വാസോച്ഛാസവുമായി ബന്ധപ്പെട്ടിരിക്കുന്നു. ഉറക്കത്തില്‍ ശ്വസിക്കുമ്പോള്‍ വായു ശബ്ദനാളിയില്‍ പ്രകമ്പനമുണ്ടാക്കുമ്പോഴാണ് സ്വരമുണ്ടാകുന്നത്.

മൂക്കടപ്പ് ഉണ്ടാകുമ്പോള്‍ വായ് തുറന്നു വച്ച് ശ്വസിക്കാനും അതുവഴി കൂര്‍ക്കം വലിക്കാനുമുള്ള പ്രവണതയുണ്ടാകുന്നു. അതുകൊണ്ട് മൂക്കടപ്പ് ഒഴിവാക്കാനുളള വഴികള്‍ നോക്കുകയാണ് വേണ്ടത്.

മൂക്കില്‍ ഒഴിക്കുവാനുള്ള മരുന്നുകള്‍ ഉപയോഗിക്കുകയാണെങ്കില്‍ മൂക്കടപ്പ് ഒഴിവാക്കാം. ഉറങ്ങുമ്പോള്‍ മൂക്കിനു മുകളില്‍ ഒട്ടിക്കാവുന്ന സ്ട്രിപ്പുകള്‍ ഇപ്പോള്‍ ലഭ്യമാണ്. ഇവ ശ്വാസോച്ഛാസം സുഗമമാക്കാന്‍ സഹായിക്കും. കിടക്കുന്നതിന് മുന്‍പ് ആവി പിടിക്കുന്നതും നല്ലൊരു മാര്‍ഗമാണ്.

മദ്യം, ഉറക്കഗുളികകള്‍ എന്നിവ ഒഴിവാക്കുന്നത് ശ്വസനത്തെ സഹായിക്കുകയും കൂര്‍ക്കംവലി ഒഴിവാക്കുകയും ചെയ്യും. പുകവലി കൂര്‍ക്കംവലിക്കുള്ള മറ്റൊരു കാരണമാണ്. പുകവലിക്കുമ്പോള്‍ തൊണ്ടയില്‍ മുഴകളും പഴുപ്പുമുണ്ടാകുകയും ഇത് ശ്വസനത്തിന് ബുദ്ധിമുണ്ടാക്കുകയും ചെയ്യുന്നു. ഇത് കൂര്‍ക്കം വലിക്കുളള മറ്റൊരു കാരണമാണ്.

ഉറങ്ങാന്‍ കിടക്കുമ്പോള്‍ അല്‍പം കട്ടിയുള്ള, ഉയര്‍ന്ന തലയിണകള്‍ ഉപയോഗിക്കുക. ഇത് ശ്വസനത്തെ സഹായിക്കും.

മലര്‍ന്നു കിടന്ന് ഉറങ്ങുമ്പോള്‍ ശ്വസിക്കാന്‍ ബുദ്ധിമുട്ട് അനുഭവപ്പെടും. ഇത് കൂര്‍ക്കംവലിക്ക് കാരണമാകും. ഒരു വശത്തേക്ക് തിരിഞ്ഞുകിടക്കുന്നത് കൂര്‍ക്കംവലിക്കുള്ള പരിഹാരമാണ്.

ഉറങ്ങുന്നതിന് മുന്‍പ് പിസ, ബര്‍ഗര്‍ തുടങ്ങിയ തരം ഭക്ഷണസാധനങ്ങള്‍ ഒഴിവാക്കുക. ഇത് കഫക്കെട്ടുണ്ടാക്കുകയും ശ്വസനത്തെ ബാധിക്കുകയും ചെയ്യും. രാത്രിയില്‍ ലഘുഭക്ഷണം കഴിക്കുക. ഉറങ്ങുന്നതിന് മുന്‍പ് അല്‍പനേരം നടക്കുന്നതും നല്ലതാണ്. ഇത് ഭക്ഷണം ദഹിക്കുവാന്‍ സഹായിക്കുകയും ഉറക്കത്തെ സുഖമാക്കുകയും ചെയ്യും. അസ്വസ്ഥമായ ഉറക്കവും കൂര്‍ക്കം വലിക്ക് കാരണമാകും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.