അസിഡിറ്റി അലട്ടുന്നുവോ, പരിഹാരവുമുണ്ട്

കാപ്പി, കോള തുടങ്ങിയ പാനീയങ്ങള്‍ അസിഡിറ്റിക്കു കാരണമാകുന്നുണ്ട്. ഇവയ്ക്കു പകരം ചൂടുവെള്ളവും ഗ്രീന്‍ ടീ, ഹെര്‍ബല്‍ ടീ തുടങ്ങിയവയും കുടിയ്ക്കുക. കരിക്കിന്‍ വെള്ളവും തണ്ണിമത്തങ്ങാ ജ്യൂസും അസിഡിറ്റി കുറയ്ക്കാന്‍ വളരെ സഹായകമാണ്.

ശര്‍ക്കര, ചെറുനാരങ്ങ, പഴം, തൈര്, ബദാം, കുക്കുമ്പര്‍ തുടങ്ങിയവ അസിഡിറ്റി കുറയ്ക്കാന്‍ സഹായിക്കുന്ന ഭക്ഷണസാധനങ്ങളാണ്. മുരിങ്ങ, ബീന്‍സ്, മത്തങ്ങ, ക്യാബേജ്, കാരറ്റ് സവാള എന്നിവയും നല്ലതാണ്.

ഗ്രാമ്പൂ, ഇഞ്ചി എന്നിവ വായിലിട്ടു ചവയ്ക്കുന്നത് അസിഡിറ്റി കുറയ്്ക്കും.

പുതിന, കര്‍പ്പൂര തുളസി എന്നിവ വെള്ളത്തിലിട്ട് തിളപ്പിച്ച് ഭക്ഷണശേഷം കുടിയ്ക്കുന്നത് ഗുണം ചെയ്യും.

ഭക്ഷണസമയത്തിനിടയ്ക്ക് നീണ്ട ഇടവേളകള്‍ വന്നാലും അസിഡിറ്റിയുണ്ടാകും. വയറ് ഒഴിഞ്ഞുകിടക്കാതെ ഇടയ്‌ക്കെന്തെങ്കിലും ലഘുവായി കഴിയ്ക്കാം.

അച്ചാറുകള്‍, വിനെഗര്‍, അധികം എരിവും മസാലയുമുള്ള ഭക്ഷണങ്ങള്‍ എന്നിവ ഉപേക്ഷിക്കുന്നതാണ് നല്ലത്.

മദ്യവും പുകവലിയും അസിഡിറ്റിയുണ്ടാക്കുമെന്നതിനാല്‍ ഇവയും ഉപേക്ഷിക്കുന്നത് നന്നായിരിക്കും.

ഉറങ്ങുന്നതിന് രണ്ടു മണിക്കൂര്‍ മുന്‍പെങ്കിലും ഭക്ഷണം കഴിയ്ക്കുക. ദഹനം ശരിയായാല്‍ അസിഡിറ്റിയും കുറയും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.