പാര്‍ട്ടിയില്‍ കുടിയ്ക്കാന്‍ കോക്ക്‌ടെയില്‍ പോരേ

അല്‍പമൊന്ന് ശ്രദ്ധ വച്ചാല്‍ തടി കൂടാതെ തന്നെ ഇത്തരം പാര്‍ട്ടികളില്‍ പങ്കെടുക്കാം.

മിക്കവാറും പാര്‍ട്ടികളിലെ ഒഴിവാക്കാനാവാത്ത് ഒന്നാണ് മദ്യം. മദ്യത്തിന് പകരം ഫ്രൂട്ട് കോക്ക്‌ടെയില്‍ തെരഞ്ഞെടുക്കാം. ഇതില്‍ ക്രീമോ മധുരമോ ഉള്ളത് ഒഴിവാക്കുകയും വേണം.

സ്റ്റാര്‍ട്ടറായി മഞ്ചൂരിയനോ ഫിംഗര്‍ ചിപ്‌സോ ചിക്കന്‍ വിംഗ്‌സോ വേണമെന്ന് യാതൊരു നിര്‍ബന്ധവുമില്ല. പകരം കൊഴുപ്പു കുറഞ്ഞ ചീസുപയോഗിച്ച് ഉണ്ടാക്കിയ ബ്രഡും സാലഡും കഴിയ്ക്കാം.

പ്രധാന ഭക്ഷണത്തില്‍ വറുത്തതിനും പൊരിച്ചതിനുമൊക്കെ പകരം ഗ്രില്‍, ബേക്ക് ചെയ്തതോ ആവിയില്‍ ഉണ്ടാക്കിയതോ ആയോ ഭക്ഷണം ഉള്‍പ്പെടുത്താം. ഫ്രൈഡ് റൈസിന് പകരം പുലാവ് കഴിയ്ക്കാം.

ഭക്ഷണം കഴിയ്ക്കുന്നത് കുറേശെ, എന്നാല്‍ നല്ലപോലെ ചവച്ചരച്ചു വേണം. ഇത് ദഹനത്തെ സഹായിക്കും. ഭക്ഷണത്തിനിടയില്‍ വെള്ളം കുടിയ്ക്കുന്നത് അമിതഭക്ഷണമാകാതിരിക്കാന്‍ സഹായിക്കും. സൂപ്പു കുടിയ്ക്കുന്നതും അമിതഉഭക്ഷണം കുറയ്ക്കും. ധാരാളം പച്ചക്കറി ടോപ്പിംഗുള്ള ഭക്ഷണങ്ങളും ആരോഗ്യത്തിന് നല്ലതാണ്.

ഭക്ഷണത്തിനൊടുവില്‍ ഡെസെര്‍ട്ട് വേണമെന്നുണ്ടെങ്കില്‍ മധുരം കുറഞ്ഞവ നോക്കി കഴിയ്ക്കുക. ഇവ കുറച്ചേ കഴിയ്ക്കാവൂ എന്നതും പ്രധാനമാണ്.

ഇത്തരം കാര്യങ്ങള്‍ ഓര്‍മയില്‍ വച്ചാല്‍ യാതൊരു ടെന്‍ഷനും കൂടാതെ പാര്‍ട്ടികളില്‍ പങ്കെടുക്കാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.