ഉദ്യോഗസ്ഥകള്‍ക്ക് പോഷകാഹാരം

Health

oi-Saritha

By Veena

Published: Monday, September 26, 2011, 8:30 [IST]

ഉദ്യോഗസ്ഥകളായ സ്ത്രീകള്‍ക്കുള്ള പ്രശ്‌നമാണ് പോഷകാഹാരക്കുറവ്. സമയക്കുറവും ജോലിത്തിരക്കും ഭക്ഷണം പേരിനു മാത്രമാക്കാന്‍ പലരേയും പ്രേരിപ്പിക്കുന്നു. ഇത് ഗുരുതരമായ ആരോഗ്യപ്രശ്‌നങ്ങളുണ്ടാക്കും. തലവേദന, അലര്‍ജി, മാസമുറ പ്രശ്‌നങ്ങള്‍ തുടങ്ങിയവ പോഷകക്കുറവു മൂലം ഉണ്ടാകും.

ഒരിക്കലും പ്രഭാതഭക്ഷണം ഒഴിവാക്കരുത്. പ്രധാനമായും ഈ ഭക്ഷണമാണ് ബാക്കിയുള്ള ദിവസം മുഴുവന്‍ ജോലി ചെയ്യാനുളള ഊര്‍ജം നല്‍കുന്നത്. കൊഴുപ്പു കുറഞ്ഞ പാലും പഴവര്‍ഗങ്ങളും പ്രഭാതഭക്ഷണത്തിലുള്‍പ്പെടുത്താവുന്നവയാണ്. അമിതഭക്ഷണം ഒഴിവാക്കുകയാണ് നല്ലത്. ഇത് ദഹിക്കാന്‍ കൂടുതല്‍ ഊര്‍ജമെടുക്കുകയും ദിവസം മുഴുവന്‍ ഉറക്കം തൂങ്ങിയിരിക്കുന്ന അവസ്ഥയുണ്ടാക്കുകയും ചെയ്യും.

ജോലിക്കിടെ ഉണക്കപ്പഴങ്ങളോ വെജിറ്റബിള്‍ സാന്‍ഡ്‌വിച്ചോ കഴിക്കാം. ഇതിന്റെ കൂടെ ജ്യൂസോ കരിക്കിന്‍വെളളമോ കുടിക്കുന്നതും നല്ലതാണ്.

ഉച്ചഭക്ഷണത്തിന് ചോറ് ഒഴിവാക്കുന്നതാണ് നല്ലത്. ധാന്യങ്ങളും പയറുവര്‍ഗങ്ങളും കഴിക്കാം. കാരറ്റ്, ഗ്രീന്‍പീസ്, ചുവന്ന ചീര, ലറ്റൂസ്, ബ്രൊ്‌ക്കോളി, കോളിഫഌവര്‍ തുടങ്ങിയവ ഉച്ചഭക്ഷണത്തിലുള്‍പ്പെടുത്താം.

വൈകിട്ട് സൂപ്പോ ബ്രൗണ്‍ബ്രഡ് സാന്‍ഡ്‌വിച്ചോ കഴിക്കാം. വറുത്ത ഭക്ഷണവും ഫാസ്‌ററ്ഫുഡും ഒഴിവാക്കണം. കാപ്പിയും ചായയും കഴിവതും ഒഴിവാക്കുക. പോഷകഗുണമുള്ള ബിസ്‌ക്കറ്റുകളും ആവശ്യമെങ്കില്‍ കഴിക്കാം.

രാത്രിഭക്ഷണം ചപ്പാത്തിയാക്കുന്നതായിരിക്കും നല്ലത്. പരിപ്പ്, പച്ചക്കറി സൂപ്പ്, സാലഡ് തുടങ്ങിയവ ഭക്ഷണത്തിലുള്‍പ്പെടുത്തണം. വിശപ്പിനനുസരിച്ചു മാത്രം ഭക്ഷണം കഴിക്കുക. ഉറങ്ങുന്നതിന് മൂന്നുനാലു മണിക്കൂര്‍ മുന്‍പെങ്കിലും അത്താഴം കഴിക്കുന്നതാണ് നല്ലത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.