നൃത്തം ചെയ്തും വണ്ണം കുറയ്ക്കാം

Health

oi-Saritha

By Veena

Published: Wednesday, November 23, 2011, 15:04 [IST]

വണ്ണം കുറയ്ക്കാന്‍ വേണ്ടി പട്ടിണി കിടക്കുകയോ ജിമ്മില്‍ കയറിയിറങ്ങുകയോ വേണ്ട, നൃത്തം ചെയ്താല്‍ മതി. വെറുതെ പറയുന്നതല്ല, ശാസ്ത്രീയമായി തെളിയിക്കപ്പെട്ടിട്ടുള്ള കാര്യമാണ്. ഏതു തരം നൃത്തം എത്ര വേഗത്തില്‍ എത്ര നേരം ചെയ്യുന്നു എന്നതിനെ അടിസ്ഥാനപ്പെടുത്തിയിരിക്കും ഫലം എന്നു മാത്രം.

ദിവസവും അര, മുക്കാല്‍ മണിക്കൂര്‍ നേരം ഡാന്‍സ് ചെയ്യുന്നത് ശരീരത്തിലെ കൊഴുപ്പ് അകറ്റും. നൃത്തം വഴി മെയ്‌വഴക്കം ലഭിക്കുകയാണ് ചെയ്യുന്നത്. ഇത് ശരീരത്തിന്റെ പല ഭാഗങ്ങളിലേയും കൊഴുപ്പ് അകറ്റും.

പലതരം നൃത്തരൂപങ്ങളുണ്ട്. ഇവയോരോന്നും വ്യത്യസ്ത രീതിയിലാണ് ശരീരഭാരം കുറയ്ക്കുക. ബെല്ലി ഡാന്‍സ്, കാബറെ എന്നിവയാണ് ശരീരഭാരം കുറയ്ക്കുവാന്‍ ഏറ്റവും ഫലപ്രദമായവ. ഇത്തരം നൃത്തരൂപങ്ങള്‍ വയറിന്റെയും തുടയുടെയും നിതംബത്തിലേയും തടി കുറയ്ക്കും.

ശരീരത്തിന് രൂപഭംഗി നല്‍കാന്‍ ബാലറ്റ് എന്ന നൃത്തരൂപം വളരെ നല്ലതാണ്.

ഹിപ്‌ഹോപ്, ജാസ്, ഫ്രീഫുട്ട് തുടങ്ങിയ നൃത്തരൂപങ്ങള്‍ ശരീരത്തിലെ മസിലുകളെ ശക്തിപ്പെടുത്തും. ഫ്രീഫുട്ട് മുക്കാല്‍ മണിക്കൂറോളം ചെയ്താല്‍ ശരീരഭാരത്തില്‍ കാര്യമായ കുറവുണ്ടാകും.

ശരീരഭാരം കുറയുക മാത്രമല്ലാ, നൃത്തം കൊണ്ട് മറ്റ് പ്രയോജനങ്ങളുമുണ്ട്. പ്രമേഹം നിയന്ത്രിക്കുന്നതിനും ഹൃദയത്തിന്റെ ആരോഗ്യത്തിനും നൃത്തം വളരെ നല്ലതാണ്. രക്തപ്രവാഹം വര്‍ദ്ധിപ്പിക്കാനും ഡാന്‍സ് സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.