ടെന്‍ഷന്‍ അകറ്റാനുമുണ്ട് വഴികള്‍

Published: Friday, December 16, 2011, 10:43 [IST]

എന്തൊരു ടെന്‍ഷന്‍ എന്ന് നിസാരഭാവത്തില്‍ പറഞ്ഞ് ഒഴിവാക്കാന്‍ വരട്ടെ, ടെന്‍ഷനും സ്‌ട്രെസും ഉണ്ടാക്കി വയ്ക്കുന്ന പ്രശ്‌നങ്ങള്‍ പലതാണ്. അസുഖങ്ങള്‍ വരിക, ഡിപ്രഷനുണ്ടാവുക, വണ്ണം വയ്ക്കുക തുടങ്ങിയവ ഇവയില്‍ ചിലതു മാത്രം. ടെന്‍ഷന്‍ ഒഴിവാക്കാന്‍ ചികിത്സയൊന്നുമില്ല. നമ്മള്‍ തന്നെ മനസു വയ്ക്കണം.

ആദ്യമായി വേണ്ടത് ടെന്‍ഷനുകള്‍ ജീവിതത്തന്റെ ഭാഗമാണെന്നും അവയെ നേരിടേണ്ടി വരുമെന്നും സ്വയമേ ബോധ്യപ്പെടുത്തുകയാണ്. ടേക്ക് ഇറ്റ് ഈസി എന്നൊരു സമീപനമുണ്ടാക്കണം. ടെന്‍ഷന്‍ ഒരു പ്രശ്‌നവും പരിഹരിക്കില്ല. ഉള്ള പ്രശ്‌നങ്ങള്‍ കൂടുതല്‍ രൂക്ഷമാക്കുകയും ചെയ്യും. എന്തു വന്നാലും നേരിടുമെന്ന് മനസിനെ പറഞ്ഞ് പഠിപ്പിക്കുക.

ഒരു പ്രശ്‌നം വന്നാല്‍ ടെന്‍ഷനടിക്കുന്നതിന് പകരം അതിനുള്ള പരിഹാരം കണ്ടെത്തുക.

എന്തെങ്കിലും ചെയ്തുകൊണ്ടിരിക്കെ പിരിമുറുക്കം അനുഭവപ്പെട്ടാല്‍ ചെയ്യുന്ന പ്രവൃത്തി നിറുത്തി നടക്കാന്‍ പോകുകയോ പാട്ടു കേള്‍ക്കുകയോ ചെയ്യാം.

യോഗ, മെഡിറ്റേഷന്‍, പ്രാര്‍ത്ഥന എന്നിവ ഒരു പരിധി വരെ ടെന്‍ഷന് അയവു നല്‍കും. വ്യായാമം ചെയ്യുന്നതും നല്ലതു തന്നെ.

ഭക്ഷണവും ടെന്‍ഷനുമായി ബന്ധപ്പെട്ടിരിക്കുന്നു. ആരോഗ്യപ്രശ്‌നങ്ങളും ടെന്‍ഷന് കാരണമാകാം. ഇഷ്ടമുള്ള ഭക്ഷണം കഴിക്കുമ്പോള്‍ ഇത് ആരോഗ്യത്തിന് നല്ലതാണോ എന്നു കരുതി ടെന്‍ഷനടിച്ച് കഴിക്കേണ്ട കാര്യമുണ്ടോ. ആരോഗ്യകരമായ ഭക്ഷണശീലങ്ങള്‍ വളര്‍ത്തിയെടുക്കുക. ഇത് ശരീരത്തിനും നല്ലതാണ്. ആരോഗ്യമുള്ള മനസിന് ആരോഗ്യമുള്ള ശരീരവും പ്രധാനമാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.