എവിടേയും എപ്പോഴും തിളങ്ങാന്‍ പരമ്പരാഗത ശൈലിയിലേക്ക് ഒന്ന് മാറ്റിപ്പിടിക്കാം

നമ്മുടെ വസ്ത്രധാരണത്തിന് എപ്പോഴും പരമ്പരാഗത ശൈലി തേടുന്നവരാണ് നമ്മളില്‍ പലരും. എന്നാല്‍ അതിനായി പലരും തിരഞ്ഞെടുക്കുന്നത് സാരിയാണ്. പലപ്പോഴും ഇതിന്റെ ഭാഗമായി വരുന്നത് തന്നെയാണ് നല്ല ബ്ലൗസും. സാരിയുടെ മൊത്തത്തിലുള്ള രൂപം മാറ്റാന്‍ ഇതിന് കഴിയും എന്ന കാര്യത്തില്‍ സംശയം വേണ്ട. ശരിയായ ബ്ലൗസ് തിരഞ്ഞെടുക്കുന്നത് നിങ്ങളുടെ എത്‌നിക് ലുക്ക് അഥവാ പരമ്പരാഗത ലുക്കിന് അല്ലെങ്കില്‍ ശൈലിയില്‍ തന്നെ മാറ്റങ്ങള്‍ വരുത്തുന്നു. നിങ്ങള്‍ക്ക് അത് തിരഞ്ഞെടുക്കാന്‍ ഇന്നത്തെ കാലത്ത് നിരവധി സ്‌റ്റൈലുകളും ഡിസൈനുകളും ഉണ്ട് എന്നതില്‍ സംശയം വേണ്ട. ഇതില്‍ ഓരോന്നും എപ്പോഴും നിങ്ങളുടെ സാരിയില്‍ തനതായ റിച്ച് ലുക്ക് നല്‍കുന്നു.

സാരി ബ്ലൗസുകള്‍ പല തരത്തിലുണ്ട്. ചില ജനപ്രിയമായവയില്‍ ക്ലാസിക് ബ്ലൗസ്, ഹാള്‍ട്ടര്‍ നെക്ക്, ബാക്ക്ലെസ്, ബോട്ട് നെക്ക് എന്നിവ ഉള്‍പ്പെടുന്നു. ഓരോ തരവും വ്യത്യസ്തമായ ശൈലിയാണ് നിങ്ങള്‍ക്ക് നല്‍കുന്നത്. മാത്രമല്ല ഇത് മുന്‍ഗണന നോക്കി നിങ്ങള്‍ക്ക് തിരഞ്ഞെടുക്കാവുന്നതാണ്.

ക്ലാസിക് ബ്ലൗസ് കാലാതീതമായ തിരഞ്ഞെടുപ്പാണ് എന്നതില്‍ സംശയം വേണ്ട. പലപ്പോഴും ഇത്തരം ബ്ലൗസുകള്‍ക്ക് സാധാരണയായി ചെറിയ സ്ലീവുകളും റൗണ്ട് നെക്ക് അല്ലെങ്കില്‍ ചതുരാകൃതിയിലുള്ള നെക്ക് ഡിസൈന്‍ ആയിരിക്കും. പലപ്പോഴും ഏതൊരു പരമ്പരാഗത ചടങ്ങുകള്‍ക്കും ഏറ്റവും അനുയോജ്യം തന്നെയാണ്. ഇതാകട്ടെ ഏത് സാരിയുമായും നല്ലതുപോലെ ചേരുകയും ചെയ്യുന്നു.

ഹാള്‍ട്ടര്‍ നെക്ക് ബ്ലൗസ്
ഹാള്‍ട്ടര്‍ നെക്ക് ബ്ലൗസ് ഒരു മോഡേണ്‍ ഓപ്ഷനാണ് എന്ന് നമുക്കറിയാം. പലപ്പോഴും തോളുകള്‍ക്ക് ചുറ്റും നില്‍ക്കുന്ന തരത്തിലായിരിക്കും ഡിസൈന്‍. ഇതിനാകട്ടെ കഴുത്തിന് ചുറ്റും വരുന്ന സ്ട്രാപ്പുകളും ഉണ്ട്. പാര്‍ട്ടികള്‍ക്കും സാധാരണ മീറ്റ് അപ്പുകള്‍ക്കും ഇത് അനുയോജ്യമാണ്. ഇത് നിങ്ങള്‍ക്ക് നല്ല ട്രെന്‍ഡി ലുക്ക് നല്‍കുന്നു.

ബാക്ക്‌ലെസ് ബ്ലൗസ്
ബാക്ക്ലെസ് ബ്ലൗസ് ബോള്‍ഡും സ്‌റ്റൈലിഷും ആയ ലുക്കിന് അനുയോജ്യമാണ് എന്ന കാര്യത്തില്‍ സംശയം വേണ്ട. പലപ്പോഴും ഇതിന് വേണ്ടി സ്ട്രിംഗുകളോ അല്ലെങ്കില്‍ ചരടോ ഉണ്ടായിരിക്കും. ഇത്തരത്തിലുള്ള ബ്ലൗസ് വിവാഹങ്ങള്‍ക്കും ആഘോഷങ്ങള്‍ക്കും അനുയോജ്യമാണ്. ഇത് നിങ്ങളെ സാരിയില്‍ ഗ്ലാമറസ് ആക്കും എന്ന കാര്യത്തില്‍ സംശയം വേണ്ട.

ബോട്ട് നെക്ക് ബ്ലൗസ്
ബോട്ട് നെക്ക് ബ്ലൗസിനെ നിങ്ങളില്‍ വ്യത്യസ്തമാക്കുന്നത് അത് കോളര്‍ബോണിനെ എടുത്ത് കാണിക്കുന്ന തരത്തിലുള്ളതാണ് എന്നത് തന്നെയാണ്. ഈ ശൈലി ഗംഭീരവും സങ്കീര്‍ണ്ണവുമായതാണ് എന്ന കാര്യത്തില്‍ സംശയം വേണ്ട. ബോട്ട് നെക്ക് ഡിസൈന്‍ നിങ്ങളുടെ വസ്ത്രത്തിന് നല്ലൊരു കിടിലന്‍ പക്വതയുള്ള ലുക്ക് നല്‍കുന്നു.

ശരിയായ ഫാബ്രിക് തിരഞ്ഞെടുക്കുക
ബ്ലൗസിന്റെ ഫാബ്രിക് തിരഞ്ഞെടുക്കേണ്ടത് അത്യാവശ്യമാണ്. ഇതാണ് നിങ്ങളുടെ സ്‌റ്റൈലിന് മാറ്റ് കൂട്ടുന്നത്. സില്‍ക്ക്, കോട്ടണ്‍, ഷിഫോണ്‍, വെല്‍വെറ്റ് എന്നിവയാണ് സാധാരണ തുണിത്തരങ്ങള്‍. സില്‍ക്ക് ബ്ലൗസുകള്‍ ആഡംബരവും പ്രത്യേക അവസരങ്ങള്‍ക്ക് അനുയോജ്യവുമാണ്. കോട്ടണ്‍ ബ്ലൗസുകള്‍ സൗകര്യപ്രദവും ദൈനംദിന വസ്ത്രങ്ങള്‍ക്ക് അനുയോജ്യവുമാണ്.

അലങ്കാരങ്ങളും ഡിസൈനുകളും
എംബ്രോയ്ഡറി, സീക്വിനുകള്‍, മുത്തുകള്‍, ലേസ് തുടങ്ങിയ വിവിധ അലങ്കാരങ്ങളാല്‍ ബ്ലൗസുകള്‍ സ്റ്റിച്ച് ചെയ്യാവുന്നതാണ്. ഇവയെല്ലാം തന്നെ ബ്ലൗസിന് ഭംഗി കൂട്ടുന്നു. കൂടാതെ ഇതിന്റെ ആകര്‍ഷകത്വം വര്‍ദ്ധിപ്പിക്കുകയും ചെയ്യുന്നു. എന്നാല്‍ നിങ്ങളുടെ അവസരങ്ങളേയും ആഘോഷങ്ങളേയും അടിസ്ഥാനമാക്കി നമുക്ക് ഇതില്‍ മാറ്റം വരുത്താവുന്നതാണ്.

നിറങ്ങള്‍ ശ്രദ്ധിക്കണം
നിങ്ങളുടെ ബ്ലൗസിന്റെ നിറവും സാരിയുമായി പൊരുത്തപ്പെടുത്തുന്നതാണെന്നത് ഉറപ്പ് വരുത്തേണ്ടതാണ്. നിങ്ങളുടെ ഏറ്റവും മികച്ച ലുക്ക് നല്‍കാന്‍ എപ്പോഴും തിരഞ്ഞെടുക്കുന്ന നിറം വളരെയധികം പ്രധാനപ്പെട്ടതാണ്. അല്ലെങ്കില്‍ ഒരു കോണ്‍ട്രാസ്റ്റിംഗ് ഷേഡിലേക്ക് പോകാവുന്നതാണ്.

സ്ലീവ് ശൈലികള്‍
സാരി ബ്ലൗസുകളില്‍ സ്ലീവ് ശൈലികള്‍ വളരെ വ്യത്യസ്തമായിരിക്കും. സ്ലീവ്ലെസ്, ഷോര്‍ട്ട് സ്ലീവ്, ത്രീ-ക്വാര്‍ട്ടര്‍ സ്ലീവ്, ഫുള്‍ സ്ലീവ് എന്നിവയാണ് ഓപ്ഷനുകള്‍. ഓരോ സ്ലീവ് ശൈലിയും വ്യത്യസ്തമായ ലുക്ക് നിങ്ങള്‍ക്ക് നല്‍കുന്നു. മാത്രമല്ല ഇത് നിങ്ങളുടെ ചടങ്ങുകള്‍ക്ക് അനുസരിച്ച് വ്യത്യാസപ്പെടാം.

നെക്ക്‌ലൈന്‍ മാറ്റങ്ങള്‍
ബ്ലൗസിന്റെ നെക്ലൈനും പലപ്പോഴും വ്യത്യാസപ്പെടുന്നതാണ്. നിങ്ങള്‍ക്ക് വൃത്താകൃതിയിലുള്ള കഴുത്ത്, വി-കഴുത്ത്, സ്വീറ്റ്ഹാര്‍ട്ട് നെക്ക്, ഉയര്‍ന്ന കഴുത്ത് എന്നിവയെല്ലാം തന്നെ തിരഞ്ഞെടുക്കാം. നെക്ക്ലൈന്‍ നിങ്ങളുടെ ശാരീരിക പ്രത്യേകതകള്‍ക്ക് അനുസരിച്ച് തിരഞ്ഞെടുക്കാവുന്നതാണ്.

നിങ്ങളുടെ ബ്ലൗസിനോടൊപ്പം ചേരുന്നത്
നിങ്ങളുടെ പരമ്പരാഗത ലുക്ക് നിലനിര്‍ത്തുന്നതിന് വേണ്ടി പലപ്പോഴും അതിനോടൊപ്പം ചേരുന്ന ആക്‌സസറികള്‍ ഒരു പ്രധാന പങ്ക് വഹിക്കുന്നു. അനുയോജ്യമായ ആഭരണങ്ങള്‍, വളകള്‍, ഹെയര്‍ ആക്സസറികള്‍ എന്നിവയ്ക്കൊപ്പം നിങ്ങളുടെ ബ്ലൗസും ചേരുന്നത് വഴി വസ്ത്രധാരണം മെച്ചപ്പെട്ടതാവുന്നു.

നിങ്ങളുടെ ബ്ലൗസിനെ സൂക്ഷിക്കേണ്ടത്
ശരിയായ രീതിയില്‍ സൂക്ഷിക്കുന്നത് നിങ്ങളുടെ സാരി ബ്ലൗസുകളുടെ ആയുസ്സ് വര്‍ദ്ധിപ്പിക്കുന്നു. അവയുടെ ഗുണനിലവാരം നിലനിര്‍ത്താന്‍ തുണിത്തരത്തെ അടിസ്ഥാനമാക്കി അലക്കുകയും മറ്റും ചെയ്യുക. ഈര്‍പ്പം അല്ലെങ്കില്‍ കീടങ്ങളില്‍ നിന്ന് സംരക്ഷിക്കുന്നതിന് വേണ്ടി തണുത്തതും വരണ്ടതുമായ സ്ഥലത്ത് സൂക്ഷിക്കുക.