ലഞ്ച് ബോക്‌സൊരുക്കാന്‍ ചില വിഭവങ്ങള്‍

Updated: Friday, September 12, 2014, 16:05 [IST]

കുട്ടികള്‍ക്കായാലും വലിയവര്‍ക്കായാലും ലഞ്ച് ബോക്‌സൊരുക്കുകയെന്നത് അല്‍പം ബുദ്ധിമുട്ടുള്ള ഒരു കാര്യം തന്നെയാണ്. നാളെഎന്തു തയ്യാറാക്കുമെന്നു കരുതി ചിന്താക്കുഴപ്പത്തിലാകുന്നവരും ആലോചിച്ചു തല പുണ്ണാക്കുന്നവരുമുണ്ട്.

കുട്ടികള്‍ക്കായാലും മുതിര്‍ന്നവര്‍ക്കായാലും സ്വാദിഷ്ടമായ, കഴിയ്ക്കാന്‍ എളുപ്പമുള്ള, എന്നാല്‍ തയ്യാറാക്കാന്‍ ബുദ്ധിമുട്ടില്ലാത്ത വിഭവങ്ങള്‍ തയ്യാറാക്കുന്നതാണ് നല്ലത്. ഇതിനായി ചേരുന്ന ചില വിഭവങ്ങളുമുണ്ട്.

ലഞ്ച് ബോക്‌സില്‍ പായ്ക്കു ചെയ്യാവുന്ന ചില വിഭവങ്ങളെക്കുറിച്ചറിയൂ, ഇവ തയ്യാറാക്കാന്‍ എളുപ്പവുമാണ്, അതേ സമയം മിക്കവാറും പേര്‍ക്ക് ഇഷ്ടപ്പെടുകയും ചെയ്യും.

എഗ് നൂഡില്‍സ്

എഗ് നൂഡില്‍സ് ഇപ്രകാരം എളുപ്പം തയ്യാറാക്കാവുന്ന സ്വാദിഷ്ടമായ ഒരു വിഭവമാണ്. സ്വാദും അതേ സമയം മുട്ടയുടെ ഗുണങ്ങള്‍ ഒത്തിണങ്ങുകയും ചെയ്യുന്ന ഒരു വിഭവം.

ക്യാരറ്റ് റൈസ്

ലഞ്ചിന് എളുപ്പ തയ്യാറാക്കാവുന്ന ഒന്നാണ് ക്യാരറ്റ് റൈസ്. പ്രത്യേകിച്ച് കുട്ടികള്‍ക്ക് ഇത് ഇഷ്ടപ്പെടുകയും ചെയ്യും. പോഷകസമ്പുഷ്ടവുമാണ്.

സാന്റ്‌വിച്ചുകള്‍

സാന്റ്‌വിച്ചുകള്‍ ഉച്ചയ്ക്കു ലഘുഭക്ഷണം മതിയെന്നുള്ളവര്‍ക്ക് കഴിയ്ക്കാവുന്ന ഒരു വിഭവമാണ്. ഇത് വെജിറ്റേറിയന്‍, നോണ്‍ വെജിറ്റേറിയന്‍ രീതികളില്‍ തയ്യാറാക്കാം.