മഞ്ഞളില്‍ നാരങ്ങ നീര്, നിറം ഗ്യാരണ്ടി

ബ്ലീച്ചെന്നാല്‍ നാരങ്ങ

പ്രകൃതി ദത്തമായ ബ്ലീച്ച് എന്ന് തന്നെ നാരങ്ങയെ പറയാം. നാരങ്ങയും മഞ്ഞളും മിക്‌സ് ചെയ്ത് മുഖത്ത് തേയ്ക്കുമ്പോള്‍ ബ്യൂട്ടി പാര്‍ലറില്‍ പോയി ബ്ലീച്ച് ചെയ്യുന്ന ഫലം നിങ്ങള്‍ക്ക് ലഭിയ്ക്കുന്നു.

കഴുത്തിനു ചുറ്റും കറുത്ത നിറം

ചിലര്‍ക്ക് കഴുത്തിനു ചുറ്റും കറുപ്പായിരിക്കും. ശരീരത്തിന്റെ മറ്റ് ഭാഗങ്ങളിലുള്ള നിറം ഒരിക്കലും കഴുത്തിന് ചുറ്റും ലഭിക്കില്ല. എന്നാല്‍ നാരങ്ങ നീര് മഞ്ഞള്‍ മിക്‌സ് ചെയ്ത് കഴുത്തില്‍ പുരട്ടി അല്‍പസമയത്തിനു ശേഷം കഴുകിക്കളഞ്ഞാല്‍ നിറത്തിന്റെ കാര്യത്തില്‍ പിന്നെ പേടിയ്ക്കണ്ട.

കാലുകളുടെ ഭംഗിയ്ക്ക്

കാലിന്റെ ഭംഗിയ്ക്കും മാര്‍ദ്ദവത്തിനും നാരങ്ങനീരില്‍ അല്‍പം മഞ്ഞള്‍പ്പൊടിയും പാലും ഒലീവ് ഓയിലും മിക്‌സ് ചെയ്ത് തേച്ച് പിടിപ്പിക്കുക. ഇത് കാലിന് നിറവും സൗന്ദര്യവും നല്‍കുന്നു.

ചര്‍മ്മത്തിലെ എണ്ണമയം

ചര്‍മ്മത്തിലെ എണ്ണമയമാണ് മറ്റൊരു പ്രശ്‌നം. ഈ മിശ്രിതം മുഖത്ത് പുരട്ടി അരമണിക്കൂറിനു ശേഷം കഴുകിക്കളയാം. ഇത് മുഖത്തിന് നിറം നല്‍കുകയും എണ്ണമയത്തെ ഇല്ലാതാക്കുകയും ചെയ്യും.

മുഖത്തിന് തിളക്കം

മുഖത്തിന് തിളക്കം നല്‍കാന്‍ സഹായിക്കുന്ന ഒന്നാണ് നാരങ്ങയും മഞ്ഞളും എന്ന കാര്യത്തില്‍ സംശയം വേണ്ട. ഇവ രണ്ടും മുഖത്ത് തേച്ച് പിടിപ്പിച്ചാല്‍ ഇത് മുഖത്തിന് തിളക്കവും നല്ല നിറവും നല്‍കും. ആഴ്ചയില്‍ രണ്ട് തവണ ഇത് ചെയ്യാം.

താരനെ പ്രതിരോധിയ്ക്കാന്‍

താരനെ പ്രതിരോധിയ്ക്കാന്‍ നാരങ്ങ നീര് തേയ്ക്കുന്നത് എന്തുകൊണ്ടും നല്ലതാണ്. ആഴ്ചയില്‍ ഒരു തവണ നാരങ്ങ നീര് തേച്ച് താരനെ ഇല്ലാതാക്കാം.