തുളസിയിലയും പച്ചമഞ്ഞളും ചേര്‍ത്ത് പുരട്ടാം

തുളസിയും പച്ചമഞ്ഞളും

തുളസിയും പച്ചമഞ്ഞളും ചേര്‍ത്ത് അരച്ച് മുഖത്ത് തേച്ചാല്‍ പല വിധത്തിലുള്ള സൗന്ദര്യ പ്രശ്‌നങ്ങള്‍ക്ക് പരിഹാരം കാണാം. തുളസി നീര് മഞ്ഞള്‍പ്പൊടിയില്‍ ചാലിച്ച് തേച്ചാലും ഫലം വര്‍ദ്ധിയ്ക്കുന്നു. എന്തൊക്കെയാണ് ഗുണങ്ങള്‍ എന്ന് നോക്കാം.

മുഖക്കുരുവിന് പരിഹാരം

മുഖക്കുരുവിന് പരിഹാരം കാണാന്‍ വളരെ ഫലപ്രദമായ മാര്‍ഗ്ഗമാണ് ഇത്. മുഖക്കുരുവിന്റെ പാട് പോലും ഇല്ലാതാക്കുന്നു ഈ മാര്‍ഗ്ഗത്തിലൂടെ.

കണ്ണിനു താഴെ കറുപ്പകറ്റാന്‍

കണ്ണിനു താഴെയുള്ള കറുപ്പകറ്റാനും പ്രതിവിധിയാണ് ഈ മഞ്ഞള്‍ തുളസികൂട്ട്. ഉറങ്ങാന്‍ പോകുന്നതിനു മുന്നോടിയായി മഞ്ഞളും തുളസിയും ചേര്‍ത്ത മിശ്രിതം കണ്ണിനു താഴെ ഇട്ട് കിടക്കാന്‍ പോവുക. ഇത് കണ്ണിനു താഴെയുള്ള കറുപ്പിനെ നിമിഷ നേരം കൊണ്ട് ഇല്ലാതാക്കുന്നു.

പച്ചമഞ്ഞളും ആര്യവേപ്പും

മഞ്ഞളും ആര്യവേപ്പും മിക്‌സ് ചെയ്ത് വെള്ളത്തില്‍ കിഴികെട്ടി ഇടുക. ഈ വെള്ളം കൊണ്ട് കുളിച്ചാല്‍ ശരീരത്തില്‍ ഉണ്ടാവുന്ന ചൊറിച്ചിലുകള്‍ക്കെല്ലാം പരിഹാരം കാണാന്‍ സാധിയ്ക്കും.

മുഖത്ത് മീശയുണ്ടോ?

അമിത രോമവളര്‍ച്ച പലപ്പോഴും പെണ്‍കുട്ടികളില്‍ പല വിധത്തിലുള്ള മാനസിക പ്രശ്‌നങ്ങളിലേക്കും വഴിവെയ്ക്കും. എന്നാല്‍ അമിത രോമവളര്‍ച്ച ഇല്ലാതാക്കാന്‍ മഞ്ഞളും തുളസിയും ധാരാളമാണ്.

വരണ്ട ചര്‍മ്മം

വരണ്ട ചര്‍മ്മം എന്ന പ്രശ്‌നത്തേയും ഇനി ഈ ഫേസ്മാസ്‌കിലൂടെ ഇല്ലാതാക്കാം. വരണ്ട ചര്‍മ്മത്തിന് പ്രതിവിധി നല്‍കാന്‍ തുളസിയും മഞ്ഞളും അരച്ച് പുരട്ടുക. ഇത് വരണ്ട ചര്‍മ്മം മാറ്റി ചര്‍മ്മത്തിന് ഈര്‍പ്പം നല്‍കുന്നു.