മുട്ടയുടെ വെള്ള മുഖത്തുണ്ടാക്കുന്ന മാറ്റം

ഒന്നാം ഘട്ടം

ഒരു പാത്രത്തില്‍ മുട്ടയുടെ വെള്ള മാത്രം എടുത്ത് ചെറിയ രീതിയില്‍ പതപ്പിക്കുക. ഇത് മുഖത്തും കഴുത്തിലും നല്ലതുപോലെ തേച്ചു പിടിപ്പിക്കുക. കണ്ണിനു ചുറ്റും വായ്ക്കു ചുറ്റും ഉള്ള ഭാഗം ഒഴിവാക്കുക.

രണ്ടാംഘട്ടം

മുഖത്ത് മുട്ടയുടെ വെള്ള നല്ലതുപോലെ തേച്ചു പിടിപ്പിച്ചതിനു ശേഷം ഒരു ടിഷ്യൂ പേപ്പര്‍ എടുത്ത് മുഖത്ത് പതിപ്പിക്കുക. അതിനു മുകളില്‍ വീണ്ടും മുട്ടയുടെ വെള്ള തേച്ചു പിടിപ്പിക്കുക.

മൂന്നാം ഘട്ടം

മൂന്ന് പാളികള്‍ ആയി മുട്ടയുടെ വെള്ള തേച്ചു പിടിപ്പിച്ച് മുപ്പത് മിനിട്ടിനു ശേഷം അടര്‍ത്തി മാറ്റാം. മുകളില്‍ നിന്നും താഴോട്ടായിരിക്കണം അടര്‍ത്തി മാറ്റേണ്ടത്.

നാലാംഘട്ടം

പതിയെ മുഖത്ത് നിന്നും പാക്ക് എടുത്ത് മാറ്റിയതിനു ശേഷം മുഖം തണുത്ത വെള്ളത്തില്‍ നല്ലതുപോലെ കഴുകുക. എണ്ണമയമുള്ള ചര്‍മ്മമാണെങ്കില്‍ ആഴ്ചയില്‍ രണ്ട് തവണ ഇത്തരത്തില്‍ ചെയ്യുക. വരണ്ട ചര്‍മ്മക്കാര്‍ പത്ത് ദിവസത്തില്‍ ഒരു തവണ ചെയ്യുക.

മുഖക്കുരു പാട് മാറുന്നു

മുഖക്കുരു വന്ന് കാലങ്ങളായിട്ടും മാറാത്ത മുഖക്കുരു പാടിനെ ആഴ്ചകള്‍ക്കുള്ളില്‍ മാറ്റുന്നതിന് മുട്ടയുടെ വെള്ള സഹായിക്കും.

ബ്ലാക്ക് ഹെഡ്‌സിന് പ്രതിവിധി

ബ്ലാക്ക് ഹെഡ്‌സിനെ ഇല്ലാതാക്കാന്‍ ഇത്രയേറെ പറ്റിയ മറ്റൊരു പ്രതിവിധി ഇല്ലെന്നു തന്നെ പറയാം. മുട്ടയുടെ വെള്ള ഉപയോഗിച്ചാല് ദിവസങ്ങള്‍ക്കുള്ളില്‍ തന്നെ ബ്ലാക്ക് ഹെഡ്‌സ് ഇല്ലാതാവും. മഴ....കള്ളുഷാപ്പ് സ്റ്റൈല്‍ കപ്പ, മീന്‍കറി

ചര്‍മ്മത്തിന് മുറുക്കം

ചര്‍മ്മത്തിന് മുറുക്കം നല്‍കുന്നതിനും മുട്ട ഫേസ്പാക്ക് സഹായിക്കുന്നു. ആഴ്ചയില്‍ രണ്ട് തവണ ഈ ഫേസ്പാക്ക് ഉപയോഗിക്കാം.