കണ്‍പീലികള്‍ സംരക്ഷിക്കാന്‍ എളുപ്പവഴികള്‍

കണ്ണിലെ മേക്കപ്പ് രാത്രിയില്‍ തന്നെ നീക്കം ചെയ്യുക

കണ്ണിലെ മേക്കപ്പുമായി ഉറങ്ങാന്‍ കിടക്കരുത്. കിടക്കുന്നതിന് മുമ്പായി മേക്കപ്പ് പൂര്‍ണ്ണമായും നീക്കം ചെയ്യുക. കണ്ണിനുള്ള മേക്കപ്പ് സാധനങ്ങളിലെ രാസവസ്തുക്കള്‍ കണ്‍പീലികള്‍ കൊഴിയാനും അണുബാധയ്ക്കും കാരണമാകാം.

ദിവസം രണ്ട് തവണ കണ്‍പീലികള്‍ ബ്രഷ് ചെയ്യുക

കണ്‍പീലികള്‍ ബ്രഷ് ചെയ്യുന്നത് രോമകൂപങ്ങളിലേക്കുള്ള രക്തയോട്ടം വര്‍ദ്ധിപ്പിക്കും. പ്രകൃതിദത്തമായ എണ്ണമയം കണ്‍പീലികളിലേക്ക് വ്യാപിക്കാനും അത് രോമവളര്‍ച്ചയെ ശക്തിപ്പെടുത്താനും സഹായിക്കും. മസ്കാര ഇതിന് ഫലപ്രദമാണ്.

കൃത്രിമ കണ്‍പീലികള്‍ ഉപയോഗിക്കാതിരിക്കുക

കൃത്രിമമായ കണ്‍പീലികള്‍ ഉപയോഗിക്കുന്നത് ഇപ്പോള്‍ ഫാഷനാണ്. ഓരോ തവണയും ഇവ ഉപയോഗിക്കുമ്പോള്‍ സ്വഭാവികമായ പീലികള്‍ തകരാറിലാകാനുള്ള സാധ്യതയുണ്ട്.

ആവണക്കെണ്ണയുടെ ഉപയോഗം

കണ്‍പീലികളില്‍ ആവണക്കെണ്ണ ഉപയോഗിക്കുന്നത് രോമവളര്‍ച്ച ശക്തിപ്പെടുത്തും. ഇതിലെ വിറ്റാമിന്‍ ഇ കണ്‍പീലികളുടെ വളര്‍ച്ചയും ദൃഡതയും ശക്തിപ്പെടുത്തും. എല്ലാ ദിവസവും രാത്രി കിടക്കുന്നതിന് മുമ്പായി ഇത് കണ്‍പീലികളില്‍ പുരട്ടാം.

ഒലിവ് ഓയില്‍ ഉപയോഗിച്ചുള്ള കണ്ടീഷനിങ്ങ് -

കണ്‍പീലകളുടെ വളര്‍ച്ച ശക്തിപ്പെടുത്തുന്ന മറ്റൊരു ഉത്പന്നമാണ് ഒലിവ് ഓയില്‍. കണ്ണിന് ചുറ്റും ഉപയോഗിക്കാന്‍ തികച്ചും സുരക്ഷിതമാണ് ഒലിവ് ഓയില്‍. ഇത് കണ്‍പീലികള്‍ക്ക് നനവ് നല്കുകയും വളര്‍ച്ച കൂട്ടുകയും ചെയ്യും. ഒലിവ് ഓയില്‍ കണ്‍പീലികളില്‍ തേച്ച് അല്പ സമയത്തിന് ശേഷം കഴുകിക്കളയാം.