ക്യാരറ്റ് കൊണ്ടു സൗന്ദര്യം കൂട്ടാം!!

മുഖക്കുരു തടയുന്നു

ക്യാരറ്റിലടങ്ങിയ റെറ്റിനോള്‍ വിറ്റാമിന്‍ എയുടെ ഉപോത്പന്നമാണ്. ഇത് ചര്‍മ്മ സുഷിരങ്ങളില്‍ മൃതകോശങ്ങള്‍ അടിഞ്ഞുകൂടുന്നത് തടയാന്‍ സഹായിക്കും. ഇത് വഴി മുഖക്കുരു ഉണ്ടാകുന്നത് കുറയ്ക്കാനാവും. ചര്‍മ്മത്തെ ഉപദ്രവകരമായ സൂര്യപ്രകാശത്തില്‍ നിന്ന് സംരക്ഷിക്കാനും ഇത് സഹായിക്കും.

ചര്‍മ്മത്തിന് പുനര്‍ജ്ജീവന്‍

ക്യാരറ്റിന് ചര്‍മ്മത്തില്‍ ചുളിവുകളുണ്ടാകുന്നത് തടയാനുള്ള കഴിവുണ്ട്. ക്യാരറ്റിലടങ്ങിയ വിറ്റാമിന്‍ ഇ, സി, കരോട്ടോള്‍ എന്നിവ സൂര്യപ്രകാശത്തിന്‍റെ ദോഷങ്ങളില്‍ നിന്ന് ചര്‍മ്മത്തെ സംരക്ഷിക്കുകയും ജലാംശം നിലനിര്‍ത്തുകയും ചെയ്യും.

ക്യാന്‍സര്‍ തടയുന്നു

പതിവായി ക്യാരറ്റ് കഴിക്കുന്നത് ശ്വാസകോശം, സ്തനങ്ങള്‍, വന്‍കുടല്‍ എന്നിവടങ്ങളിലുണ്ടാകുന്ന ക്യാന്‍സറിനെ തടയാന്‍ സഹായിക്കുമെന്ന് പഠനങ്ങള്‍ കാണിക്കുന്നു.

അണുബാധ സുഖപ്പെടുത്തുന്നു -

ക്യാരറ്റിലെ കരോട്ടോള്‍ എന്ന ഘടകം ശരീരത്തിലെ വിഷാംശങ്ങളെ ചെറുക്കാന്‍ കഴിവുള്ളതാണ്. ചര്‍മ്മത്തിലെ തകരാര്‍ സംഭവിച്ച ഭാഗങ്ങളില്‍ പുതിയ കോശങ്ങളുടെ വളര്‍ച്ചയ്ക്കും ഇത് സഹായിക്കും. എക്സിമ, റൊസാസിയ, അണുബാധയുള്ള മുറിവുകള്‍, നീരൊലിക്കുന്ന വ്രണങ്ങള്‍, ചര്‍മ്മവീക്കം എന്നിവ ഭേദമാക്കാന്‍ ക്യാരറ്റ് ഫലപ്രദമാണ്.

പ്രകൃതിദത്ത മോയ്സ്ചറൈസര്‍

ഒരു പ്രകൃതിദത്ത മോയ്സ്ചറൈസറായാണ് ക്യാരറ്റിനെ പരിഗണിക്കുന്നത്. ശരീരത്തില്‍ നിന്ന് നഷ്ടമായ ജലാംശം വീണ്ടെടുക്കാനും ചര്‍മ്മത്തിലെ സ്വഭാവികമായ എണ്ണമയം നിലനിര്‍ത്താനും ക്യാരറ്റ് ഫലപ്രദമാണ്.