രാത്രിയില്‍ ചെയ്യാവുന്ന ചില സൗന്ദര്യ ടിപ്‌സ്

ചുണ്ടിന്റെ സൗന്ദര്യത്തിനായി

നിങ്ങളുടെ ചുണ്ട് നല്ല മൃദുവുള്ളതും മിനുസമുള്ളതും ആകാനാണോ ആഗ്രഹം. എന്നാല്‍ ഒലിവ് ഓയില്‍ ചുണ്ടില്‍ പുരട്ടി പോയി കിടന്നുറങ്ങിക്കോളൂ. ഉറങ്ങി എഴുന്നേറ്റാല്‍ നല്ല മൃദുവായ ചുണ്ട് നിങ്ങള്‍ക്ക് കിട്ടും.

മുടി പൊട്ടുന്നതിന്

വൈറ്റമിന്‍ ഇ നിങ്ങളുടെ തലമുടിക്ക് ആവശ്യമാണ്. ഓയില്‍ മുടിയില്‍ തടവി കിടക്കാം. ഇത് നിങ്ങളുടെ മുടി പൊട്ടിപോകാതെയും ഉണങ്ങിപോകാതെയും കാത്തുസൂക്ഷിക്കും.

പാദങ്ങള്‍ക്ക്

നല്ല മിനുസവും മൃദുവായതുമായ കാല്‍ പാദങ്ങളല്ലേ നിങ്ങള്‍ക്ക് വേണ്ടത്. എന്നാല്‍ രാത്രിയില്‍ കിടക്കുന്നതിനുമുന്‍പ് കാല്‍പാദങ്ങളില്‍ ഒലിവ് ഓയിലോ വാസ്‌ലിനോ പുരട്ടുക. സോക്‌സ് ധരിച്ച് ഉറങ്ങാം. രാത്രിയില്‍ കാല്‍പാദ സൗന്ദര്യത്തിന് നിങ്ങള്‍ക്ക് ചെയ്യാവുന്ന മികച്ച ടിപ്‌സാണിത്.

കറുത്ത പാടുകള്‍ക്ക്

കണ്ണിനടിയിലെ കറുത്ത പാടുകളാണോ നിങ്ങളുടെ പ്രശ്‌നം. എന്നാല്‍ കിടക്കുന്നതിനുമുന്‍പ് ബദാം ഓയില്‍ കണ്ണിനു താഴെ തേക്കൂ. ഇത് കണ്ണിനടിയിലെ ചുളിവുകള്‍ പോകാനും കറുപ്പ് പോകാനും സഹായിക്കും.

മുടിസംരക്ഷണത്തിന്

നിങ്ങളുടെ ഹെയര്‍ ഓയില്‍ ചെറുതായി ചൂടാക്കി നന്നായി മസാജ് ചെയ്യൂ. എന്നിട്ട് സുഖമായി പോയി ഉറങ്ങിക്കോളൂ. ഇത് നന്നായി മുടി വളരാന്‍ സഹായിക്കും.

നഖത്തിന്

നല്ല സുന്ദരമായ നഖം പെണ്ണിന് അഴകു നല്‍കുന്നതാണ്. രാത്രി കിടക്കുന്നതിനുമുന്‍പ് നഖത്തിനുമേല്‍ വെളിച്ചെണ്ണ പുരട്ടാം. രാത്രി ഇങ്ങനെ ചെയ്ത് കിടക്കുന്നത് നഖത്തിന് നല്ല ശക്തി നല്‍കുകയും, സുന്ദരവുമാക്കുന്നു.

പുരികത്തിന്

ആവണക്കെണ്ണ നിങ്ങളുടെ പുരികം സുന്ദരമാക്കും. രാത്രി കിടക്കുന്നതിനുമുന്‍പ് കുറച്ച് ആവണക്കെണ്ണയെടുത്ത് പുരികത്തിന് പുരട്ടുക. ഇത് പുരികം നന്നായി വളരാന്‍ സഹായിക്കും.

മോയിസ്‌ട്രൈസ്

നിങ്ങളുടെ ചര്‍മം വൃത്തിയായിട്ടിരിക്കാന്‍ എന്തു ചെയ്യണം..? അഴുക്കുകള്‍ നിറഞ്ഞ മുഖവും ശരീരവുമാണ് പ്രധാന പ്രശ്‌നം. മോയിസ്‌ട്രൈസിംഗ് ക്രീം തേച്ച് കിടക്കുക. അല്ലെങ്കില്‍ ഒലിവ് ഓയില്‍ തേച്ച് കിടക്കുക. നിങ്ങളുടെ ചര്‍മം വൃത്തിയുള്ളതും സൗന്ദരവുമാകുന്നു.