ജ്യൂസ് കുടിച്ച് തിളങ്ങാം..

By Sruthi K M

Published: Tuesday, June 30, 2015, 15:24 [IST]

മഴക്കാലത്തും നിങ്ങളുടെ സൗന്ദര്യം കാത്തു സൂക്ഷിക്കാം. രോഗങ്ങള്‍ പെട്ടെന്ന് പിടികൂടുന്ന കാലം കൂടിയാണ് മഴക്കാലം. ജനിതകപരമായ ചില സവിശേഷതകള്‍ ഒഴിച്ചു നിര്‍ത്തിയാല്‍ പര്‍ക്കും തങ്ങളുടെ സൗന്ദര്യം നഷ്ടപ്പെടുന്നതിന് കാരണം അവരവരുടെ അശ്രദ്ധ തന്നെയാണ്.

വീട്ടില്‍ തയ്യാറാക്കാം സ്‌കിന്‍ ക്രീം

ഭക്ഷണം, കാലാവസ്ഥ, ജീവിതശൈലി, ഇതൊക്കെ സൗന്ദര്യ സംരക്ഷണത്തില്‍ അത്യാവശ്യമാണ്. നിങ്ങളുടെ ചര്‍മ്മം വളരെ ആരോഗ്യപൂര്‍ണ്ണമായി നിലനിര്‍ത്താന്‍ ശരീരം വൃത്തിയായി സൂക്ഷിച്ചേ മതിയാകു. വൃത്തിയോടൊപ്പം ചര്‍മ്മത്തിന് വേണ്ട പോഷകവും നല്‍കണം. ജ്യൂസ് കുടിക്കാന്‍ എല്ലാവര്‍ക്കും ഇഷ്ടമാണ്. അതുകൊണ്ട് ചില ജ്യൂസുകള്‍ ഉണ്ടാക്കാം. ഇവ കഴിച്ച് ചര്‍മ്മത്തെ രക്ഷിക്കാം.

ക്യാരറ്റ് ജ്യൂസ്

ക്യാരറ്റ് ജ്യൂസ് നിങ്ങളുടെ ചര്‍മത്തിന് തിളക്കം നല്‍കുന്നവയാണ്. ഇതിലടങ്ങിയിരിക്കുന്ന വൈറ്റമിന്‍ എ, ഫൈബര്‍ ചര്‍മ്മത്തെ മൃദവാക്കി തിളക്കം നല്‍കുകയും ചെയ്യും.

തക്കാളി ജ്യൂസ്

തക്കാളി ജ്യൂസും ചര്‍മ്മസംരക്ഷണത്തിനായി കഴിക്കാം. ഇതിലടങ്ങിയിരിക്കുന്ന ലൈക്കോപിന്‍ ആന്റി-ക്യാന്‍സര്‍ ഘടകം അടങ്ങിയതാണ്. ഇതിലടങ്ങിയിരിക്കുന്ന വൈറ്റമിന്‍ സിയും ഗുണം ചെയ്യും.

ബേബി കോണ്‍ ജ്യൂസ്

ബേബി കോണ്‍ കൊണ്ട് ജ്യൂസ് ഉണ്ടാക്കി കഴിക്കൂ, മികച്ച ഗുണം ലഭിക്കും. കലോറി കൂടിയ തോതില്‍ അടങ്ങിയതുകൊണ്ട് ചര്‍മ്മത്തിന് ആരോഗ്യവും ലഭിക്കും. ഇതിലടങ്ങിയിരിക്കുന്ന വൈറ്റമിന്‍ എ,സി എന്നിവ തിളക്കമാര്‍ന്ന ചര്‍മ്മം നല്‍കും.

ഗ്രീന്‍പീസ് ജ്യൂസ്

ഗ്രീന്‍പീസില്‍ ധാരാളം വൈറ്റമിന്‍ ബി-6, കെ എന്നിവ അടങ്ങിയിട്ടുണ്ട്. ഇതിലടങ്ങിയിരിക്കുന്ന ഫോളിക് ആസിഡ് ശരീരത്തിന് മികച്ച ഗുണം നല്‍കും. ഗ്രീന്‍പീസ് ജ്യൂസില്‍ ആന്റിയോക്‌സിഡന്റ്, ആന്റി-ഇന്‍ഫഌമേറ്ററി ഘടകങ്ങള്‍ അടങ്ങിയിട്ടുണ്ട്. ഇത് നിങ്ങളുടെ ചര്‍മത്തെ സൂര്യരശ്മികളില്‍ നിന്ന് സംരക്ഷിക്കുകയും തിളക്കം നല്‍കുകയും ചെയ്യുന്നു.

ചീര ജ്യൂസ്

പോഷകങ്ങളുടെ കലവറയായ ചീര ജ്യൂസും ചര്‍മ്മത്തിന് മികച്ച ഗുണം നല്‍കും. വൈറ്റമിന്‍ കെ, അയേണ്‍, വൈറ്റമിന്‍ സി, ഇ, മിനറല്‍സ്, മെഗ്നീഷ്യം എന്നിവ അടങ്ങിയിരിക്കുന്നു. ആവശ്യമില്ലാത്ത റാഡിക്കലുകളെ നീക്കം ചെയ്യാനും സഹായിക്കും.