പുരുഷന്‍മാരേ..നിങ്ങള്‍ക്കും ഫേഷ്യല്‍ ചെയ്യണ്ടേ.?

തൈരുകൊണ്ട് ഫേസ് പാക്ക്

വീട്ടില്‍ നിന്നു പുരുഷന്‍മാര്‍ക്ക് ഉപയോഗിക്കാവുന്ന സൗന്ദര്യ ടിപ്‌സാണ് തൈരുകൊണ്ടുള്ള ഫേസ് പാക്ക്. വൃത്തിഹീനമായ ജോലി സ്ഥലങ്ങളില്‍ നിന്നും വെയിലും പൊടിയും തട്ടി പുരുഷന്‍മാരുടെ ചര്‍മം പെട്ടെന്ന് ചീത്തയാകുന്നു. തൈര് നിങ്ങളുടെ ശരീരത്തില്‍ തേക്കാം. ഇത് നിങ്ങളുടെ ശരീരത്തെ ശുദ്ധമാക്കിവെക്കുകയും തിളക്കമാര്‍ന്നതാക്കുകയും ചെയ്യും.

ചെറുനാരങ്ങ ജ്യൂസ്

എണ്ണമയമുള്ള പുരുഷന്‍മാരുടെ ചര്‍മത്തിന് പരിഹാരം വേണ്ടേ.. വേനല്‍ക്കാലത്ത് ഓയില്‍ ചര്‍മം വളരെ ബുദ്ധിമുട്ടുണ്ടാക്കും. ഇത് ഒഴിവാക്കാന്‍ ഒരു ടീസ്പൂണ്‍ ചെറുനാരങ്ങ നീരും അതില്‍ അല്‍പം ഒലിവ് ഓയിലും തേനും ചേര്‍ത്ത് നന്നായി യോജിപ്പിക്കാം. ഈ മിശ്രിതം മുഖത്ത് തേക്കൂ..

ഓട്‌സ് ഫേഷ്യല്‍ പാക്ക്

പുരുഷന്‍മാരുടെ വരണ്ട ചര്‍മത്തിന് പരിഹാരമാര്‍ഗമാണ് ഓട്‌സ് കൊണ്ടുള്ള ഫേഷ്യല്‍. ഓട്‌സ് പൊടിച്ചെടുത്തത് ചെറു ചൂടുവെള്ളം ഉപയോഗിച്ച് നന്നായി പേസ്റ്റ് ആക്കുക. ഇതിലേക്ക് ഒരു മുട്ടയുടെ മഞ്ഞയും തേനും തൈരും ചേര്‍ക്കുക. ഓട്‌സ് ഫേഷ്യല്‍ റെഡി. മുഖത്ത് തേച്ച് 10-15 മിനിട്ടിനുശേഷം പച്ചവെള്ളത്തില്‍ കഴുകി കളയാം.

ക്ലേ കൊണ്ടുള്ള ഫേസ് മാസ്‌ക്

കറ്റാര്‍ വാഴയുടെ പശയും, ക്ലേയും തേനും മുട്ടയുടെ മഞ്ഞയും ചേര്‍ത്ത് ക്രീം ഉണ്ടാക്കാം. ഇത് പുരട്ടി പുറത്തു പോകാം. ഇത് പുറത്തു നിന്നുണ്ടാകുന്ന അഴുക്കിനെയും പൊടിയെയും തടഞ്ഞു നിര്‍ത്തും.

സ്‌ട്രോബെറി ഫേസ് മാസ്‌ക്

ഈ ചെറിയ ചുവന്ന പഴം കൊണ്ടും പുരുഷന്‍മാര്‍ക്ക് സൗന്ദര്യം സംരക്ഷിക്കാം. സ്‌ട്രോബറി പേസ്റ്റ് രൂപത്തിലാക്കി അതിലേക്ക് ഒലിവ് ഓയിലും തേനും ചേര്‍ക്കാം. ഇതും പുറത്തു പോകുമ്പോള്‍ തേച്ചിട്ട് പോകാം. നിങ്ങളുടെ ചര്‍മത്തെ വെയിലില്‍ നിന്നും പോടിയില്‍ നിന്നും സംരക്ഷിക്കും.