പുരുഷസൗന്ദര്യത്തിന്‌ ഫേസ്‌പായ്‌ക്കുകള്‍

കുക്കുമ്പര്‍

പുരുഷന്മാരുടെ ചര്‍മത്തില്‍ എണ്ണമയം സാധാരണ ഗതിയില്‍ കൂടുതലായിരിക്കും. ഇത്തരം ചര്‍മത്തിന് കുക്കുമ്പര്‍ മാസ്‌ക് ഗുണം ചെയ്യും. കുക്കുമ്പര്‍ അരച്ച് തേനും തൈരും ചേര്‍ത്ത് പുരട്ടാം. 15 മിനിറ്റ് കഴിഞ്ഞ് കഴുകിക്കളയാം. ആഴ്ചയില്‍ രണ്ടു ദിവസമെങ്കിലും ഈ മാസ്‌ക് ഉപയോഗിക്കാം.

തക്കാളി

വളരെ എളുപ്പം തക്കാളി ചര്‍മസംരക്ഷണത്തിനുപയോഗിക്കാം. നല്ലവണ്ണം പഴുത്ത തക്കാളി ഉടച്ച് മുഖത്തു പുരട്ടുകയോ മുറിച്ച തക്കാളി കൊണ്ട് മസാജ് ചെയ്യുകയോ ആവാം.

ആര്യവേപ്പ്

ആര്യവേപ്പ് ഔഷധഗുണങ്ങളുള്ള ഒരു സൗന്ദര്യവര്‍ദ്ധക വസ്തുവാണ്. ചൂടുവെള്ളത്തില്‍ രാത്രി മുഴുവന്‍ ആര്യവേപ്പില ഇട്ടുവച്ച് ഇത് അരച്ചെടുത്ത് പാലും ചേര്‍ത്ത് മുഖത്തിടാം. ഷേവിംഗ് മുറിവുകള്‍ ഉണക്കാനും മുഖക്കുരു, പാടുകള്‍ എന്നിവ മാറ്റുവാനും സഹായിക്കുന്ന നല്ലൊരു ഫേസ് മാസ്‌കാണിത്.

തേനും മുട്ടയും തൈരും

തേനും മുട്ടയും തൈരും ചേര്‍ത്ത് ഫേസ് മാസ്‌കുണ്ടാക്കാം. അല്ലെങ്കില്‍ ആപ്പിള്‍ ഉടച്ച് തേന്‍ ചേര്‍ത്ത് മുഖത്തു പുരട്ടാം. അല്‍പസമയം കഴിഞ്ഞ് കഴുകിക്കളയാം.

തുളസി

മുഖക്കുരു പോലുള്ള പ്രശ്‌നങ്ങള്‍ ഒഴിവാക്കാന്‍ തുളസി മുഖത്തരച്ചിടാം.