തണുത്ത വെള്ളത്തില്‍ കുളിച്ചാലുള്ള ഗുണങ്ങള്‍

Published: Friday, May 30, 2014, 12:53 [IST]

തണുത്ത വെള്ളത്തില്‍ കുളിയ്ക്കാന്‍ പലര്‍ക്കും മടിയാണ്. ചൂടുവെള്ളമായിരിയ്ക്കും പലര്‍ക്കും പ്രിയം. ചൂടുകാലത്തു പോലും ഇളം ചൂടുവെള്ളത്തില്‍ കുളിയ്ക്കുന്നവര്‍ ധാരാളമുണ്ട്.

എന്നാല്‍ ആദ്യം ദേഹത്തൊഴിയ്ക്കുമ്പോള്‍ അല്‍പം ബുദ്ധിമുട്ടു തോന്നുമെങ്കിലും തണുത്ത വെള്ളത്തില്‍ കുളിയ്ക്കുന്നതു കൊണ്ടുള്ള പ്രയോജനങ്ങള്‍ നിരവധിയാണ്. ഇത് ആരോഗ്യത്തിന് ഏറെ ഗുണകരമാണെന്നതാണ് ഒരു കാര്യം.

തണുത്ത വെള്ളത്തില്‍ കുളിയ്ക്കുന്നതു കൊണ്ടുള്ള ആരോഗ്യഗുണങ്ങളെക്കുറിച്ചറിഞ്ഞിരിയ്ക്കൂ,

പ്രതിരോധശേഷി

തണുത്ത വെള്ളത്തില്‍ കുളിയ്ക്കുന്നത് ശരീരത്തിന്റെ പ്രതിരോധശേഷി വര്‍ദ്ധിപ്പിയ്ക്കും. ഇത് പ്രതിരോധശേഷി നല്‍കുന്ന ശ്വേതാണുക്കള്‍ക്ക് നല്ലതാണ്.

കോള്‍ഡ്

രാവിലെ തണുത്ത വെള്ളത്തില്‍ കുളിയ്ക്കുന്നത് കോള്‍ഡ് മാറാനുള്ള നല്ലൊരു വഴിയാണ്. ഇത് ശരീരത്തിനുള്ളില്‍ നിന്നും ചൂടുല്‍പാദിപ്പിയ്ക്കാനും ഇതു വഴി മൂക്കടപ്പു പോലുള്ള പ്രശ്‌നങ്ങള്‍ പരിഹരിയ്ക്കാനും സഹായിക്കും.

തടി കുറയ്ക്കാന്‍

തണുത്ത വെള്ളത്തിലെ കുളി തടി കുറയ്ക്കാന്‍ സഹായകമാണ്. ഇത് ശരീരത്തില്‍ ബ്രൗണ്‍ ഫാറ്റ് ഉല്‍പാദനത്തിന് സഹായിക്കും. ബ്രൗണ്‍ ഫാറ്റ് തടി കുറയ്ക്കാന്‍ നല്ലതാണ്.

രക്തപ്രവാഹം

ശരീരത്തിലെ രക്തപ്രവാഹം വര്‍ദ്ധിപ്പിയ്ക്കാന്‍ തണുത്ത വെള്ളത്തിലുള്ള കുളി സഹായിക്കും.

അപചയപ്രക്രിയ

ശരീരത്തിലെ അപചയപ്രക്രിയ ശക്തിപ്പെടുത്തുന്നതിന് തണുത്ത വെള്ളത്തിലെ കുളി നല്ലതാണ്. തണുത്ത വെള്ളം ശരീരത്തില്‍ വീഴുമ്പോള്‍ ശരീരത്തിന് ചൂടു കൂടുതല്‍ ഉല്‍പാദിപ്പിയ്‌ക്കേണ്ടി വരും. ഇത് അപചയപ്രക്രിയയെ ശക്തിപ്പെടുത്തും. ഇത് ശരീരത്തിലെ കൊഴുപ്പു കുറയ്ക്കാന്‍ സഹായകയമാണ്.

ഡിപ്രഷന്‍

തണുത്ത വെള്ളത്തിലെ കുളി ഡിപ്രഷന്‍ പോലുള്ള പ്രശ്‌നങ്ങള്‍ മാറുന്നതിനു സഹായിക്കും. ഇത് തലച്ചോറിന്റെ പ്രവര്‍ത്തനങ്ങള്‍ ത്വരിതമാക്കുന്നതിനും ഹോര്‍മോണ്‍ പ്രവര്‍ത്തനങ്ങള്‍ ത്വരിതപ്പെടുത്തുന്നതിനും സഹായിക്കും.

താപനില

ശരീരത്തിലെ താപനില ശരിയായ തോതില്‍ നില നിര്‍ത്തുന്നതിനും തണുത്ത വെള്ളത്തിലെ കുളി നല്ലതാണ്. പ്രത്യേകിച്ച് ചൂടുകാലത്ത് ശരീരം കൂടുതല്‍ വിയര്‍ക്കും. ഇത്തരം ഘട്ടങ്ങളില്‍ തണുത്തവെള്ളത്തിലെ കുളി ഗുണം ചെയ്യും.