മത്തങ്ങ ചര്‍മത്തിനേകും അഴക്

എല്ലാ ചര്‍മകാര്‍ക്കും

മത്തങ്ങ പേസ്റ്റാക്കി ഒരു ടീസ്പൂണ്‍ എടുക്കുക. ഇതിലേക്ക് അരടീസ്പൂണ്‍ തേനും പാലും ചേര്‍ത്ത് നന്നായി യോജിപ്പിച്ച് കറുവാപ്പട്ട പൗഡറും ചേര്‍ത്ത് മുഖത്ത് തേക്കുക.

വരണ്ട ചര്‍മത്തിന്

മത്തങ്ങ പേസ്റ്റില്‍ ശുദ്ധമായ ക്രീമും തേനും ചേര്‍ത്ത് നന്നായി യോജിപ്പിക്കുക. ഇതിലേക്ക് രണ്ട്‌സ്പൂണ്‍ പഞ്ചസാരയും ചേര്‍ക്കുക. മികച്ച മോയിചറൈസര്‍ ആയിരിക്കും ഇത്.

ഓയില്‍ ചര്‍മത്തിന്

ഒരു ടീസ്പൂണ്‍ ആപ്പിള്‍ സൈഡര്‍ വിനഗര്‍ മത്തങ്ങ പേസ്റ്റില്‍ ചേര്‍ക്കുക. അതിലേക്ക് രണ്ട്‌സ്പൂണ്‍ പഞ്ചസാരയും ചേര്‍ത്ത് മുഖത്തു പുരട്ടുക.

മുഖക്കുരുവിന്

ഒരു മുട്ടയുടെ വെള്ളയും മത്തങ്ങ പേസ്റ്റും ചേര്‍ത്ത് യോജിപ്പിച്ച് മുഖത്ത് പുരട്ടി 20 മിനിട്ട് കഴിഞ്ഞ് കഴുകുക.

തിളക്കത്തിന്

ഒരു മുട്ടയുടെ വെള്ളയും രണ്ട്ടീസ്പൂണ്‍ മത്തങ്ങയും ഒരു ടീസ്പൂണ്‍ പാലും ചേര്‍ത്ത് നേരിയ പേസ്റ്റാക്കിയെടുക്കാം. തിളക്കം ലഭിക്കാന്‍ ഈ ഫേസ്പാക്ക് ഉപയോഗിക്കാം.

ഹോം ഫേഷ്യല്‍

മൂന്ന് മിനിട്ട് നിങ്ങളുടെ മുഖം ആവി പിടിപ്പിക്കുക. എന്നിട്ട് നല്ല ഫേസ് ക്രീം കൊണ്ട് മുഖം കഴുകുക. അതിനുശേഷം രണ്ട്‌സ്പൂണ്‍ മത്തങ്ങ പേസ്റ്റും തൈരും, തേനും, ബദാം പേസ്റ്റും ചേര്‍ത്ത് നന്നായി യോജിപ്പിച്ച പേസ്റ്റ് മുഖത്ത് പുരട്ടുക. 20 മിനിട്ട് വച്ചതിനുശേഷം കഴുകാം.