വീട്ടില്‍ തയ്യാറാക്കാം ആഫ്റ്റര്‍ ഷേവ് ലോഷന്‍!

1. കറ്റാര്‍വാഴ

ചര്‍‌മ്മത്തിന് പുനരുജ്ജീവനം നല്കുന്നതും, മുറിവുണക്കുന്നതും, മൃദുത്വം നല്കുന്നതുമായ ഘടകങ്ങള്‍ കറ്റാര്‍വാഴയിലുണ്ട്. ഷേവ് ചെയ്ത ശേഷം കറ്റാര്‍വാഴയുടെ ഇലയുടെ ഉള്ളിലെ നീര് മുഖത്ത് തേക്കാം. ബ്ലേഡുമൂലം ഉണ്ടാകുന്ന മുറിവുകള്‍ ഉണക്കാനും, മൃദുത്വം നല്കാനും കറ്റാര്‍വാഴ നീര് സഹായിക്കും.

2. തേയില എണ്ണ

ഒരു പാത്രത്തില്‍ തേയിലയെണ്ണയും, കര്‍പ്പൂരയെണ്ണയും കൂട്ടിക്കലര്‍ത്തുക. കര്‍പ്പൂരത്തിന് പകരം മറ്റ് സുഗന്ധദ്രവ്യങ്ങളും ഉപയോഗിക്കാം. ബ്ലേഡ് കൊണ്ടുണ്ടായ മുറിപ്പാടുകളില്‍ ഇത് തേച്ചാല്‍ എളുപ്പം ഭേദമാകും.

3. വിച്ച് ഹാസെല്‍ എണ്ണ

വിച്ച് ഹാസെലിന്‍റെ എണ്ണയും അല്പം വെള്ളവും ഒലിവ് ഓയിലും ചേര്‍ത്ത് ആഫ്റ്റര്‍ ഷേവ് ലോഷന്‍ തയ്യാറാക്കാം. ഇതില്‍ അല്പം കര്‍പ്പൂരത്തിന്‍റെ പൂവ് പോലുള്ള ഔഷധഗുണമുള്ള സാധനങ്ങള്‍ ചേര്‍ക്കാം. അല്പം കറുവാപ്പട്ടയും ചേര്‍ത്ത് ഇത് ഒരു ജാറില്‍ സൂക്ഷിക്കാം. 2-3 ആഴ്ച ഇത് ജാറില്‍ സൂക്ഷിച്ച് അത് ആഫ്റ്റര്‍ ഷേവായി ഉപയോഗിക്കാം.

4. ബേ റം

ഓറഞ്ച് തൊലി ചീകിയതും, ബേ റം, കറുവപ്പട്ട, ഗ്രാമ്പൂ, അല്പം വോഡ്ക എന്നിവയും കൂട്ടിക്കലര്‍ത്തുക. തണുപ്പുള്ള വെളിച്ചമില്ലാത്ത ഒരിടത്ത് രണ്ടാഴ്ച ഇത് സൂക്ഷിക്കുക. തുടര്‍ന്ന് ഇത് മൂന്ന് നാല് തവണ അരിച്ച് ശുദ്ധീകരിക്കുക. ഇത് ഒരു ജാറില്‍ ഒഴിച്ച് സൂക്ഷിക്കാം.

5. ഷീ ബട്ടര്‍

ആഫ്രിക്കയിലുള്ള ഷീ എന്നയിനം മരത്തിലുണ്ടാകുന്ന കുരുവില്‍ നിന്ന് നിര്‍മ്മിക്കുന്ന കൊഴുപ്പാ​ണ് ഷീ ബട്ടര്‍. ഇത് അതേ പടി ആഫ്റ്റര്‍ ഷേവായി ഉപയോഗിക്കാം. ഫ്രിഡ്ജില്‍ വെച്ച് കട്ടിയാക്കിയും ഇത് ഉപയോഗിക്കാം. ചര്‍മ്മത്തിന് പുനര്‍ജ്ജീവന്‍ നല്കുകയും, മുറിവുകള്‍ ഉണക്കുകയും ചെയ്യുന്ന ഈ ഉത്പന്നത്തിന് ഒരു സ്വാഭാവിക പുരുഷ ഗന്ധവുമുണ്ട്.

6. ആപ്പിള്‍ സിഡെര്‍ വിനെഗര്‍

ഏറെ പ്രസിദ്ധമായ ഒരു ആഫ്റ്റര്‍ ഷേവ് ലോഷനാണിത്. ഇത് നേരിട്ട് തന്നെ ഉപയോഗിക്കാം. ഇതിനെ കൂടുതല്‍ കരുത്തുള്ളതാക്കാന്‍ കറുവപ്പട്ട, ഗ്രാമ്പൂ, കറുവ ഇല എന്നിവ ഇതില്‍ ചേര്‍ക്കാം.

7. വെള്ളരിക്ക

ഏറ്റവും ലളിതമായി തയ്യാറാക്കാവുന്ന ഒരു ആഫ്റ്റര്‍ ഷേവ് ലോഷനാണിത്. വെള്ളരിക്ക, പുതിന ഓയില്‍, വെള്ളം എന്നിവ ചേര്‍ത്ത് ഇത് തയ്യാറാക്കാം. അര കപ്പ് വെള്ളരിക്ക, കാല്‍ കപ്പ് പുതിനയെണ്ണ, ഒരു കപ്പ് വെള്ളം എന്നിവ നന്നായി അരച്ചെടുക്കുക. ഇത് ഫ്രിഡ്ജില്‍ വെച്ച് തണുപ്പിച്ച് ഉപയോഗിക്കാം.