ഹെര്‍ബല്‍ ഫേഷ്യല്‍ വീട്ടില്‍ ചെയ്യൂ

Skin Care

oi-Saritha

By Veena

Published: Friday, September 7, 2012, 14:29 [IST]

സൗന്ദര്യസംരക്ഷണത്തിനുള്ള പ്രധാന മാര്‍ഗങ്ങളിലൊന്ന് ഫേഷ്യലാണ്. ഇതില്‍ തന്നെ ഹെര്‍ബല്‍ ഫേഷ്യല്‍ പ്രത്യേക പ്രാധാന്യമര്‍ഹിക്കുന്നു.

പ്രത്യേക ദോഷഫലങ്ങളൊന്നുമില്ലാത്തതു കൊണ്ട് ഈ ഫേഷ്യല്‍ ഏത് പ്രായക്കാര്‍ക്കും ചെയ്യാം. ഇത് വേണമെങ്കില്‍ വീട്ടിലും ചെയ്യാവുന്നതേയുള്ളൂ.

മിക്കവാറും സ്ഥലങ്ങളില്‍ ഹെര്‍ബല്‍ ഫേഷ്യലിന് മുന്‍പായി ബ്ലീച്ച് ചെയ്യാറുണ്ട്. ഇതുകൊണ്ട് ഫേഷ്യല്‍ കൂടുതല്‍ ഫലപ്രദമാകും. കടലമാവ്, തക്കാളി, തൈര്, ചെറുനാരങ്ങാനീര് തുടങ്ങിയവ ഉപയോഗിച്ചാണ് തികച്ചും സ്വാഭാവിക രീതിയിലുള്ള ബ്ലീച്ച് ചെയ്യുക.

മുഖത്തെ അഴുക്കു നീക്കം ചെയ്യാനും രോമങ്ങള്‍ നീക്കാനും കരുവാളിപ്പ് മാറ്റാനും സഹായിക്കുന്ന ബ്ലീച്ചാണ് ഇത്.

ഹെര്‍ബല്‍ ഫേഷ്യലിന് തക്കാളി, മഞ്ഞള്‍, തേന്‍, ചന്ദനം, കുക്കുമ്പര്‍, വെള്ളരിക്ക എന്നിവയെല്ലാം ഉപയോഗിക്കാം.

മുഖക്കുരുവുള്ളവരാണെങ്കില്‍ കൃഷ്ണതുളസി, മഞ്ഞള്‍, ചന്ദനം, ആര്യവേപ്പില എന്നിവയെല്ലാം അരച്ച് പനിനീരില്‍ ചാലിച്ച് ഫേഷ്യലിന് ശേഷമുള്ള മാസ്‌കായി മുഖത്തിടുന്നത് ഗുണം ചെയ്യും.

മുഖക്കുരുവുള്ളവര്‍ മുഖം മസാജ് ചെയ്യുന്നത് ഒഴിവാക്കുന്നതാണ് നല്ലത്.

ഫേസ്മാസ്‌ക് പുരട്ടിക്കഴിഞ്ഞാല്‍ മുഖം ചുളിയ്ക്കുന്നതും സംസാരിക്കുന്നതും കഴിവതും ഒഴിവാക്കാം. അല്ലെങ്കില്‍ മുഖത്ത് ചുളിവുകള്‍ വീഴാന്‍ സാധ്യതയുണ്ട്.