ഒലീവ് ഓയില്‍ കൊണ്ടും ഷേവ് ചെയ്യാം

Skin Care

oi-Saritha

By Veena

Published: Sunday, April 29, 2012, 14:58 [IST]

ഷേവിംഗ് പുരുഷന്മാരുടെ സൗന്ദര്യസംരക്ഷണ മാര്‍ഗങ്ങളില്‍ പ്രധാന സ്ഥാനമുള്ള ഒന്നാണ്. ഷേവിംഗ് ജെല്‍ ഉപയോഗിച്ചാണ് സാധാരണ ഗതിയില്‍ എല്ലാവരും ഷേവ് ചെയ്യാറ്. ഒലീവ് ഓയില്‍ ഉപയോഗിച്ചും ഷേവ് ചെയ്യാമെന്ന് അറിയാമോ.

ഇത് ചെയ്യാനും എളുപ്പം, അല്‍പം ഒലീവ് ഓയില്‍, എക്‌സ്ട്രാ വെര്‍ജിന്‍ ഒലീവ് ഓയിലാണ് നല്ലത്, ഒരു കപ്പിലെടുക്കുക. നടുവിരലും ചൂണ്ടുവിരലും ഉപയോഗിച്ച് ഇത് ഷേവ് ചെയ്യേണ്ടിടത്ത് പുരട്ടുക. കൂടുതല്‍ രോമമുള്ളിടത്ത് അല്‍പം കൂടുതല്‍ ചേര്‍ക്കാം. പിന്നീട് റേസര്‍ കൊണ്ട് സാധാരണ പോലെ ഷേവ് ചെയ്യാം. ഷേവ് ചെയ്തു കഴിഞ്ഞ് ഇത് കഴുകിക്കളയുകയുമാകാം. വേണമെങ്കില്‍ മുഖത്ത് മോയിസ്ചറൈസറോ അല്‍പം ഒലീവ് ഓയിലോ പുരട്ടണം.

ഒലീവ് ഓയില്‍ ഉപയോഗിച്ച് ഷേവ് ചെയ്യുമ്പോള്‍ ചില പ്രത്യക ഗുണങ്ങളുണ്ട്. മുഖക്കുരുവുള്ളവര്‍ക്ക് ഷേവിംഗ് ജെല്‍ പുരട്ടി ഷേവ് ചെയ്യുമ്പോള്‍ മുഖത്ത് മുറിവുണ്ടാകാന്‍ സാധ്യതയുണ്ട്. കാരണം പത കാരണം ചര്‍മം കൃത്യമായി കാണാനാവില്ലെന്നതു തന്നെ കാരണം. ഒലീവ് ഓയില്‍ ഉപയോഗിക്കുമ്പോള്‍ ഈ പ്രശ്‌നമില്ല. ഇത് മുഖം വരളാതെ സൂക്ഷിക്കുകയും ചെയ്യും.

സാധാരണ ഷേവിംഗില്‍ ഉണ്ടാകാന്‍ സാധ്യതയുള്ള മുറിവുകളും ഇത് അകറ്റും. എണ്ണമയമുള്ളതു കൊണ്ട് ഷേവിംഗും എളുപ്പം.

ഒലീവ് ഓയില്‍ ചര്‍മത്തിനും സൗന്ദര്യത്തിനും നല്ലതുമാണ്. ഇതില്‍ രാസവസ്തുക്കളൊന്നും അടങ്ങിയിട്ടില്ലെന്നത് മറ്റൊരു ഗുണം.