സണ്‍ടാന്‍ മാറാന്‍ ഒലീവ് ഓയില്‍

കുളി കഴിഞ്ഞ ശേഷം അല്‍പം ഒലീവ് ഓയില്‍ ദേഹത്തു പുരട്ടി നോക്കൂ. ചര്‍മത്തിന്റെ വരള്‍ച്ച മാറും. നല്ലൊരു മോയിസ്ചറൈസറിന്റെ ഗുണം ലഭിയ്ക്കുകയും ചെയ്യും.

ചര്‍മത്തില്‍ കറുത്ത് കുത്തുകളുണ്ടെങ്കില്‍ കുളിയ്ക്കുന്നതിന് മുന്‍പ് അല്‍പം ഒലീവ് ഓയില്‍ പുരട്ടി മസാജ് ചെയ്യാം. ഇവ മാറിക്കിട്ടും.

ഒലീവ് ഓയില്‍ മുഖത്തും കഴുത്തിലും പുരട്ടി ആവി പിടിയ്ക്കുന്നത് സണ്‍ടാന്‍ മാറാന്‍ നല്ലതാണ്. ചര്‍മസുഷിരങ്ങള്‍ തുറക്കുകയും ചര്‍മത്തില്‍ വായുപ്രവാഹമുണ്ടാവുകയും ചെയ്യും.

ഒലീവ് ഓയില്‍ ചന്ദനപ്പൊടിയുമായി ചേര്‍ത്ത് മുഖത്തു പുരട്ടുന്നത് എണ്ണമയമുള്ള ചര്‍മത്തിന് നല്ലതാണ്. ഇത് ഉണങ്ങിയ ശേഷം കഴുകിക്കളയാം.

പഞ്ചസാരയും ഒലീവ് ഓയിലും കൂട്ടിച്ചേര്‍ത്ത് നല്ല സ്‌ക്രബറായി ഉപയോഗിക്കാം. അഞ്ചു മിനിറ്റ് ഇതു കൊണ്ട് സ്‌ക്രബ് ചെയ്തശേഷം തണുത്ത വെള്ളത്തില്‍ കഴുകിക്കളയാം.

ഒലീവ് ഓയില്‍ കൊണ്ട് ഇത്തരം പരീക്ഷണങ്ങള്‍ നടത്തിനോക്കൂ. സൗന്ദര്യമേറുന്നത് തിരിച്ചറിയാം.