ചര്‍മത്തിളക്കം കൂട്ടാം

ചര്‍മത്തിളക്കം കൂട്ടാന്‍ ഓറഞ്ച് തൊലി ഉണക്കിപ്പൊടിച്ചത് തൈരു ചേര്‍ത്ത് പുരട്ടുന്നത് നന്നായിരിക്കും. ചര്‍മത്തിളക്കത്തിന് മാത്രമല്ലാ, ചര്‍മത്തെ സണ്‍ടാനില്‍ നിന്നു സംരക്ഷിക്കാനും ഈ മിശ്രിതം സഹായിക്കും.

ഫേസ് വാഷ്, ഫേസ് സ്‌ക്രബ്, മോയിസ്ചറൈസര്‍ എന്നിവ ചര്‍മത്തിളക്കം കൂട്ടാന്‍ നല്ലതാണ്. ഇവയും വീട്ടില്‍ തന്നെ ഉണ്ടാക്കാവുന്നതേയുള്ളൂ. തക്കാളി ജ്യൂസ് ഫേസ് വാഷിനായി ഉപയോഗിക്കാം. തക്കാളി നീരും സമം ചെറുനാരങ്ങാനീരും ചേര്‍ത്തു മുഖം കഴുകുന്നത് എണ്ണമയമുള്ള ചര്‍മത്തിന് ചേര്‍ന്ന ഫേസ് വാഷാണ്. സാധാരണ ചര്‍മമുള്ളവര്‍ക്ക് ഈ മിശ്രിതത്തിനൊപ്പം തേനും ഉപയോഗിക്കാം. വരണ്ട ചര്‍മമാണെങ്കില്‍ തേനും തേങ്ങാപ്പാലും ചേര്‍ത്ത് ഉപയോഗിക്കാം.

ചെറുനാരങ്ങാ നീരില്‍ പഞ്ചസാര ചേര്‍ത്താല്‍ നല്ല ഫേസ് സ്‌ക്രബറായി. വരണ്ട ചര്‍മമുള്ളവര്‍ക്ക് ഇതിനൊപ്പം അല്‍പം ബട്ടര്‍ ഫ്രൂട്ടിന്റെ കഴമ്പും ചേര്‍ക്കാം.

ഒലീവ് ഓയില്‍, ബദാം ഓയില്‍, ജൊജോബ ഓയില്‍ എന്നിവ ഒരുമിച്ചു ചേര്‍ത്ത് ഇതില്‍ അല്‍പം വെള്ളവും ചേര്‍ത്താല്‍ പ്രകൃതിദത്ത മോയിസ്ചറൈസറായി ഉപയോഗിക്കാം.

ഇത്തരം പ്രകൃതിദത്ത മാര്‍ഗങ്ങള്‍ ഉപയോഗിച്ചു നോക്കൂ. ചര്‍മത്തിലുണ്ടാകുന്ന നല്ല വ്യത്യാസങ്ങള്‍ കണ്ടെത്താം.

മുന്‍ പേജില്‍