വീട്ടില്‍ ചെയ്യാം സൗന്ദര്യസംരക്ഷണം

Skin Care

oi-Saritha

By Veena

Published: Tuesday, April 10, 2012, 12:54 [IST]

സൗന്ദര്യത്തിന് സ്ത്രീപുരുഷ ഭേദമന്യേ എല്ലാവരും നെട്ടോട്ടമോടുന്ന കാലമാണിത്. എന്തും ചെയ്യും എന്നൊരു മട്ട്. വീട്ടിലിരുന്നു ചെയ്യാവുന്ന ചില സൗന്ദര്യ സംരക്ഷണ മാര്‍ഗങ്ങളുണ്ട്. തികച്ചും പ്രകൃതിദത്തം. അതുകൊണ്ടുതന്നെ ചര്‍മത്തിന് ദോഷം വരുമോയെന്ന ഭയം വേണ്ട. ബ്യൂട്ടി പാര്‍ലറില്‍ പോയി കാശു കളയുകയും വേണ്ട.

മുഖക്കുരു ടീനേജുകാരുടെ ഒരു പ്രധാന പ്രശ്‌നമാണ്. ടീനേജില്‍ മാത്രമല്ലാ, അതു കഴിഞ്ഞും ഈ പ്രശ്‌നം കൊണ്ട് ബുദ്ധിമുട്ടുന്നവരുണ്ട്. അബദ്ധത്തില്‍ പൊട്ടിച്ചുപോയാല്‍ ഇത് ആജീവനാന്തം മുഖത്ത് പാടായി നില്‍ക്കുകയും ചെയ്യും. മുഖക്കുരു പരിഹാരത്തിന് ചില വീട്ടുവൈദ്യമിതാ,

ജാതിക്ക പൊടിച്ച് അത് തിളപ്പിക്കാത്ത പാലില്‍ കലക്കി മുഖത്തു പുരട്ടുക. ഒന്നോ രണ്ടോ മണിക്കൂര്‍ കഴിഞ്ഞ് കഴുകിക്കളയാം. ഇത് ആവര്‍ത്തിച്ചു ചെയ്താല്‍ മുഖക്കുരു മാറും. ഒരു പാടു പോലും മുഖത്ത് അവശേഷിപ്പിക്കാതെ.

മുഖക്കുരു മാറാനുള്ള മറ്റൊരു വഴിയാണ് ഓറഞ്ച് തൊലി ഉപയോഗിക്കുന്നത്. ഇത് വെള്ളം ചേര്‍ത്ത് അരച്ച് മുഖത്തിടാം. ഓറഞ്ച് തൊലി അരച്ചതും കടലമാവും കലര്‍ത്തി മുഖത്തിടാം. ഈ രണ്ടു വഴികളും മുഖക്കുരു മാറ്റാന്‍ സഹായിക്കും. മുഖചര്‍മം വൃത്തിയാവുകയും നിറം വര്‍ദ്ധിക്കുകയും ചെയ്യും. ക്യാരറ്റ് ജ്യൂസ്, തക്കാളി ജ്യൂസ് എന്നിവ ചേര്‍ത്തും കടലമാവു മുഖത്തിടാം. ക്യാരറ്റിലെ വൈറ്റമിന്‍ എ ചര്‍മത്തിന് നല്ലതാണ്. തക്കാളിയ്ക്കും ഓറഞ്ചിനുമാകട്ടെ, ബ്ലീച്ചിംഗ് ഗുണവുമുണ്ട്. ഈ മിശ്രിതങ്ങള്‍ ഉണങ്ങിക്കഴിഞ്ഞ് ഇളംചൂടുവെള്ളത്തിലോ തണുത്ത വെള്ളത്തിലോ കഴുകിക്കളയാം.

കറ്റാര്‍വാഴയാണ് മുഖക്കുരുവിനുള്ള മറ്റൊരു ചികിത്സാവിധി. ഇവ വീട്ടില്‍ തന്നെ എളുപ്പത്തില്‍ നട്ടു വളര്‍ത്താവുന്നതേയുള്ളൂ. കറ്റാര്‍വാഴയുടെ ജെല്‍ കൊണ്ട് മുഖത്തു മസാജ് ചെയ്യുന്നത് മുഖക്കുരു അകറ്റും. ചര്‍മം വളരെ മൃദുവാകുകയും ചെയ്യും.

അടുത്ത പേജില്‍