വിദ്യാ ബാലന്റെ സൗന്ദര്യരഹസ്യം

Make Up

oi-Saritha

By Veena

Published: Wednesday, March 7, 2012, 16:02 [IST]

ഡെര്‍ട്ടി പിക്ചറിലൂടെ ദേശീയ അവാര്‍ഡ് നേടിയിരിക്കുകയാണ് മലയാളിയായ വിദ്യാ ബാലന്‍. ശാലീനതയും കത്തുന്ന സൗന്ദര്യവും ഒരേ പോലെ ചേര്‍ന്ന രൂപം. ഈ സൗന്ദര്യത്തിന് പുറകിലെ സത്യത്തെ കുറിച്ച് വിദ്യ തന്നെ പറയുന്നു.

മേക്കപ്പ് കളയാന്‍ കെമിക്കലുകളെ വിശ്വസിക്കാറില്ലെന്ന് വിദ്യ പറയുന്നു. തണുത്ത പാലോ പനിനീരോ ഉപയോഗിച്ചാണ് മേക്കപ്പ് തുടച്ചു കളയാറ്. കൂടുതല്‍ മേക്കപ്പുണ്ടെങ്കില്‍ വൈപ്പിംഗ് ടിഷ്യൂവും ഉപയോഗിക്കും.

ആഴ്ചയില്‍ ഒരിക്കല്‍ മാനിക്യൂര്‍, പെഡിക്യൂര്‍ ചെയ്യും. തലയില്‍ ഓയില്‍ മസാജ് ചെയ്യുന്നതും ഒരു മാര്‍ഗം. ഇതിന് ആയുര്വേദ എണ്ണകളാണ് ഉപയോഗിക്കാറ്.

കണ്ണുകള്‍ വിദ്യയുടെ പ്രധാന ആകര്‍ഷണങ്ങളാണ്. എടുത്തു പറയേണ്ട കാര്യം ഈ സുന്ദരി പാകിസ്ഥാനില്‍ നിന്നുള്ള കണ്‍മഷിയാണ് ഉപയോഗിക്കുന്നത് എന്നതാണ്. പാകിസ്ഥാനില്‍ നിന്നും പ്രത്യേകം ഓര്‍ഡര്‍ ചെയ്താണ് ഇത് വരുത്തുന്നത്. മറ്റൊരു കണ്‍മഷിയും വിദ്യ ഉപയോഗിക്കാറില്ല.

ധാരാളം വെള്ളം കുടിയ്ക്കുന്നതും പച്ചക്കറികളും പഴവര്‍ഗങ്ങളും ധാരാളം കഴിയ്ക്കുന്നതും വിദ്യാ ബാലന്റെ ഡയറ്റില്‍ പെടുന്നു. കരിക്കിന്‍ വെള്ളവും ദിവസവും ഇവര്‍ കുടിയ്ക്കും. മറ്റ് ജ്യൂസുകളും ഉപയോഗിക്കും. ദിവസവും രാവിലെ ഒരു നുള്ള് മഞ്ഞള്‍ കഴിയ്ക്കുന്നത് ചര്‍മഭംഗി കൂട്ടുമെന്നും വിദ്യ പറുന്നു.

മേക്കപ്പ് സാധനങ്ങള്‍ കഴിവതും കുറയ്ക്കുവാനാണ് വിദ്യയുടെ ഉപദേശം. ഉപയോഗിക്കുകയാണെങ്കില്‍ തന്നെ നല്ല ഗുണനിലവാരമുള്ളവ വാങ്ങി ഉപയോഗിക്കാന്‍ ശ്രദ്ധിക്കണം.