മുടിയുടെ ഈ പ്രശ്‌നങ്ങള്‍ക്കെല്ലാം പരിഹാരം നാരങ്ങ

താരന് പരിഹാരം

താരന് പലരും ഉപയോഗിക്കുന്ന ഒന്നാണ് നാരങ്ങ. നാരങ്ങ നീര് 5-10 മിനിട്ട് തലയില്‍ തേച്ച് പിടിപ്പിച്ച് നല്ലതു പോലെ മസ്സാജ് ചെയ്യുക. ഇത് താരനെ പ്രതിരോധിയ്ക്കുന്നു. മാത്രമല്ല തലയിലെ ചൊറിച്ചില്‍ മാറ്റുന്നതിനും ചെറുനാരങ്ങ നീര് സഹായിക്കുന്നു.

നാരങ്ങ സ്‌ക്രബ്ബ്

നാരങ്ങ സ്‌ക്രബ്ബ് ഉപയോഗിച്ച് മുടിയ്ക്ക് തിളക്കം നല്‍കാം. ഒരു നാരങ്ങ പകുതി മുറിച്ച് അല്‍പം ഉപ്പ് ചേര്‍ത്ത് തലയോട്ടിയില്‍ നല്ലതു പോലെ സ്‌ക്രബ്ബ് ചെയ്യാം. ഇത് തലയോട്ടിയ്ക്കും തലമുടിയ്ക്കും നല്ലതാണ്.

മുടി വളര്‍ച്ച

മുടി വളര്‍ച്ചയെ പറ്റി സങ്കടപ്പെടുന്നവരും ചില്ലറയല്ല.നാരങ്ങ തലയില്‍ ഉപയോഗിക്കുന്നത് മുടി വളര്‍ച്ചയെ വര്‍ദ്ധിപ്പിക്കും. നാരങ്ങ നീരിനോടൊപ്പം അതേ അളവില്‍ ആവണക്കെണ്ണയും മിക്‌സ് ചെയ്ത് തലയില്‍ തേച്ച് പിടിപ്പിക്കാം.

മുടി തിളങ്ങണോ

മുടിയ്ക്ക് തിളക്കം നല്‍കാനും നാരങ്ങ നീര് തന്നെ ഉത്തമം. ഒരു ടേബിള്‍ സ്പൂണ്‍ തേന്‍ ഒരു ടേബിള്‍ സ്പൂണ്‍ നാരങ്ങ നീര് എന്നിവ എടുത്ത് തലയില്‍ തേച്ച് പിടിപ്പിക്കാം. നല്ലതു പോലെ മസ്സാജ് ചെയ്യാം. 30 മിനിട്ടിനു ശേഷം കഴുകിക്കളയാം.

എണ്ണമയമുള്ള മുടിയ്ക്ക്

എണ്ണമയമുള്ള മുടിയ്ക്ക് നാരങ്ങ നീര് ഉത്തമമാണ്. ഒരു ടേബിള്‍ സ്പൂണ്‍ നാരങ്ങ നീര് ഒരു മുട്ടയുടെ വെള്ളയുമായി മിക്‌സ് ചെയ്ത് അല്‍പസമയം തലയില്‍ തേച്ച് പിടിപ്പിക്കാം. അല്‍പസമയത്തിനു ശേഷം ഷാമ്പൂ ഉപയോഗിച്ച് കഴുകിക്കളയാം.

തലയോട്ടി വൃത്തിയാക്കുന്നു

തലയോട്ടിയിലെ അഴുക്കും വിയര്‍പ്പുമാണ് പലപ്പോഴും താരനെ വളരാന്‍ അനുകൂല സാഹചര്യമുണ്ടാക്കുന്നത്. ഇതിനെ ഇല്ലാതാക്കാന്‍ നാരങ്ങ നീര് സഹായിക്കുന്നു. വിയര്‍പ്പും അഴുക്കും നീക്കുന്ന കാര്യത്തില്‍ മുന്നിലാണ് നാരങ്ങ.

ഒലീവ് ഓയിലും നാരങ്ങ നീരും

ഒലീവ് ഓയിലും നാരങ്ങ നീരും ചേരുമ്പോള്‍ പല വിധത്തിലുള്ള ഗുണങ്ങളാണ് കേശസംരക്ഷണത്തില്‍ ഉള്ളത്. ഇത് മുടി വേരുകള്‍ക്ക് ആരോഗ്യം നല്‍കുന്നു.