മുടി നരയ്ക്കുന്നതു തടയാം

Published: Thursday, January 14, 2016, 11:22 [IST]

മുടി നരയ്ക്കുന്നത് പ്രായമായവര്‍ക്കു പോലും പിടിക്കില്ല. പിന്നെ ചെറുപ്പക്കാരുടെ കാര്യം പറയാനുണ്ടോ,

പണ്ട് മുടി നരയ്ക്കുന്നത് പ്രായമാകുന്നതിന്റെ ലക്ഷണമായിരുന്നു. എന്നാല്‍ ഇന്ന് ഇതല്ല, കഥ. ചെറുപ്പക്കാരിലും മുടി നര സാധാരണമായിരിയ്ക്കുന്നു.

മുടി നരയ്ക്കുന്നതിന് കാരണങ്ങളേറെ കാണാം. ഇതുപോലെ ഇതു തടയാനും വഴികളുണ്ട്.

മുടി നരയ്ക്കുന്നത് ഒഴിവാക്കാനുള്ള ചില വഴികളെക്കുറിച്ചറിയൂ,

വെളിച്ചെണ്ണ

പല തരം ഓയിലുകളുടെ പുറകെ പോകണമെന്നില്ല, നമ്മുടെ വെളിച്ചെണ്ണ മതി. നല്ല ശുദ്ധമായ വെളിച്ചെണ്ണ തലയില്‍ തേച്ചു മസാജ് ചെയ്യുക. ഇത് ആഴ്ചയില്‍ രണ്ടു മൂന്നു തവണയെങ്കിലും ചെയ്യുന്നത് മുടി നരയ്ക്കുന്നത് ഒഴിവാക്കും.

സ്‌ട്രെസ്

ചെറുപ്പത്തിലെ മുടിനരയ്ക്കുള്ള ഒരു പ്രധാന കാരണം സ്‌ട്രെസാണ്. സ്‌ട്രെസ് ഒഴിവാക്കുന്നത് ഏറെ ഗുണം ചെയ്യും. ഇതിനുളള മാര്‍ഗങ്ങള്‍ കണ്ടെത്തുക.

പുകവലി

പുകവലി ശരീരത്തിലെ രക്തപ്രവാഹത്തെ ബാധിയ്ക്കും. ഇതു മുടി നരയ്ക്കാനും കാരണമാകും. പുകവലിയെന്ന ശീലം ഉപേക്ഷിയ്ക്കുക.

മദ്യം

കാപ്പിയും മദ്യവുമെല്ലാം കുറച്ച് വെള്ളംകുടിയ്ക്കുന്നതു കൂട്ടുക. കാരണം ഇവ ശരീരത്തില്‍ നിന്നും ജലം നഷ്ടപ്പെടാന്‍ ഇടയാക്കും. പോഷകങ്ങള്‍ മുടിവേരുകളിലെത്തുന്നതു തടയും. മുടി നരയ്ക്കാന്‍ ഇട വരുത്തും.

മസാലകള്‍

മസാലകള്‍ അധികമുളളതും വറുത്തതുമായ ഭക്ഷണങ്ങള്‍ മുടി നരയ്ക്കാനുളള മറ്റൊരു കാരണമാണ്. ഇവയും ശരീരത്തിലെ ജലാംശം കുറയ്ക്കും. പോഷകങ്ങള്‍ മുടിയിലെത്തിയ്ക്കുന്നതു തടയും.