മുടികഴുകാന്‍ ഷാംപൂവിനു പകരം....

കര്‍പ്പൂരതുളസി

ഒരു പാത്രത്തില്‍ ഒരു കപ്പു വെള്ളം തിളപ്പിയ്ക്കുക. ഇതു തിളയ്ക്കുമ്പോള്‍ കര്‍പ്പൂരതുളസി ഒരു കൈപ്പിടി ചേര്‍ത്തിളക്കുക. ഇതു നല്ലപോലെ തിളച്ചു കഴിയുമ്പോള്‍ വാങ്ങി ഇലകള്‍ മാറ്റിയെടുത്തു വെള്ളം തണുത്തു കഴിയുമ്പോള്‍ മുടി കഴുകാം.

ബേക്കിംഗ് സോഡ

ബേക്കിംഗ് സോഡ ചേര്‍ത്ത വെള്ളം കൊണ്ടു മുടി കഴുകുന്നതും ഗുണം ചെയ്യും.

റോസ്‌മേരി

റോസ്‌മേരി മുടി കഴുകാന്‍ പറ്റിയ മറ്റൊരു ഹെര്‍ബാണ്. റോസ്‌മേരി ഇലകള്‍ വെള്ളത്തില്‍ ഇടിച്ചു ചേര്‍ക്കുക. അല്‍പം കഴിഞ്ഞ് ഈ വെള്ളം കൊണ്ടു മുടി കഴുകാം.

ആപ്പിള്‍ സിഡെര് വിനെഗര്‍

ആപ്പിള്‍ സിഡെര് വിനെഗര്‍ അല്‍പമെടുത്തു വെള്ളത്തില്‍ ചേര്‍ത്ത് മുടി നല്ലപോലെ കഴുകാ. താരന്‍ മാറാനും പേന്‍ ശല്യത്തിനുമെല്ലാം ഇതു വളരെ നല്ലതാണ്.

തൈരില്‍ ബേക്കിംഗ് സോഡ

മൂന്നു ടേബിള്‍ സ്പൂണ്‍ തൈരില്‍ ഒരു ടേബിള്‍ സ്പൂണ്‍ ബേക്കിംഗ് സോഡ ചേര്‍ത്ത് ഇളക്കുക. ഇത് മുടിയില്‍ തേച്ചു പിടിപ്പിച്ച് അല്‍പം കഴിയുമ്പോള്‍ കഴുകിക്കളയാം.

മുട്ട

രണ്ടു മുട്ട മഞ്ഞയും നാല് തുള്ളി ലെമണ്‍ ഓയിലും ചേര്‍ത്തിളക്കി തലയോടില്‍ പുരട്ടുക. അല്‍പം കഴിയുമ്പോള്‍ ഇളംചൂടുവെള്ളം കൊണ്ടു കഴുകാം.

തൈര്‌

മുടിയില്‍ ആഴ്ചയിലൊരിക്കല്‍ തൈരു പുരട്ടുന്നതും ഗുണം ചെയ്യും.